________________ भगवई स. 8 उ. 9 629 अंतोमुत्तमब्भहियाई, उक्कोसेणं वणस्सइकालो, देसबंधंतरं जहणेणं,अंतोमुहुतंउक्कोसेणं अणंतं कालं वणस्सइकालो, एवं जाव अहेसत्तमाए, णवरं जा जस्स ठिई जहणिया सा सव्वबंधंतरं जहण्णेणं अंतोमुत्तमब्भहिया कायव्वा, सेसं तं चेव / चिदियतिरिक्खजोणियमणुस्साण य जहा वाउक्काइयाणं / असुरकुमारणागकुमार जाव सहस्सारदेवाणं एएसि जहा रयणप्पभापुढविणेरइयाणं णवरं सव्वबंधंतरं जस्स जा ठिई जहणिया सा अंतोमुत्तमब्भहिया कायव्वा, सेसं तंचेव। जीवस्स णं भंते ! आणयदेवत्ते णोआणयदेवत्तेपुच्छा ? गोयमा ! सव्व. बंधंतरं जहण्णेणं अट्ठारस सागरोवमाइं वासपुहुत्तमब्भहियाई, उक्कोसेणं अणंतं कालं वणस्सइंकालो, देसबंधंतरं जहण्णेणं वासपुहुत्तं उक्कोसेणं अणंतं कालं वणस्सइकालो,एवं जाव अच्चुए णवरं जस्स जाठिई सा सव्वबंधंतरं जहणेणं वासपुहत्तमब्भहिया कायव्वा सेसं तं चेव / गेवेज्जकप्पाईयापुच्छा ? गोयमा ! सव्वबंधंतरं जहण्णेणं बावीसं सागरोवमाई वासपुहुत्तमभहियाई, उक्कोसेणं अणंतं कालं वणस्सइकालो, देसबंधंतरं जहण्णेणं. वासपुहत्तं उक्कोसेणं वणस्स. इकालो / जीवस्स णं भंते ! अणुत्तरोववाइयपुच्छा ? गोयमा ! सव्वबंधंतरं जहणेणं एक्कतीसं सागरोवमाइं वासपुहुत्तमब्भहियाई, उक्कोसेणं संखेज्जाइं सागरोवमाई, देसबंधंतरं जहण्णेणं वासपुहत्तं, उक्कोसेणं संखेज्जाइं सागरो. वमाई / एएसि णं भंते ! जीवाणं वेउव्वियसरीरस्स देसबंधगाणं सव्वबंधगाणं अबधगाण य कयरे 2 हितो, जाव विसेसाहिया वा ? गोयमा ! सव्वत्थोवा जीवा वे उब्वियसरीरस्स सव्वबंधगा, देसबंधगा असंखेज्जगणा, अबंधगा अणंतगणा / आहारगसरीरप्पओगबंधे णं भंते ! कइविहे पण्णत्ते ? गोयमा ! एगागारे पण्णत्ते / जइ एगागारे पण्णत्ते कि मणुस्साहारगसरीरप्पओगबंधे अमणुस्ताहारगसरीरप्पओगबंधे ? गोयमा ! मणुस्साहारगसरीरप्पओगबंधे णो अमणुस्साहारगसरीरप्पओगबंधे, एवं एएणं अभिलावेणं जहा ओगाहणसंठाणे जाव इड्डिपत्तपमत्तसंजयसम्मद्दिपिज्जत्तसंखज्जवासाउयकम्मभूमियगब्भवक्कंतियमणुस्साहारगसरीरप्पओगबंधे, णो अणिडिपत्तपमत्त जाव आहारगसरीरप्पओगबंधे। आहारगसरीरप्पओगबंधे णं भंते ! कस्स कम्मस्स उदएणं ? गोयमा ! वीरिय. सजोमसहव्वयाए जाव लद्धि वा पडुच्च आहारगसरीरप्पओगणामाए कम्मस्स उदएणं आहारगसरीरप्पओगबंधे। आहारगसरीरप्पओगबंधे गं भंते ! कि
