________________ 628 अंग-पविट्ठ सुत्ताणि कुमारा, एवं वाणमंतरा, एवं जोइसिया, एवं सोहम्मकप्पोवया वेमाणिया एवं जाव अच्चुयगेवेज्जकप्पाईयवेमाणिया अणुतरोववाइयकप्पाईय. वेमाणिया एवं चेव / वेउव्वियसरीरप्पओगबंधे णं भंते ! कि देसबंधे सव्वबंधे ? गोयमा ! देसबंधेवि सव्वबंधेवि, वाउक्काइयएगिदिय० एवं चेव, रयणप्पभापुढविणेरइया एवं देव एवं जाव अणुत्तरोववाइया / वेउब्वियसरीर. प्पओगबंधे णं भंते ! कालओ केवच्चिरं होइ ? गोयमा ! सव्वबंधे जहणेणं एक्कं समयं, उक्कोसेणं दो समया, देसबंधे जहणेणं एक्कं समयं, उक्कोसेणं तेत्तीसं सागरोवमाई समयऊणाई। वाउक्काइयएगिदियवेउव्विय पुच्छा? गोयमा! सव्वबंधे एक्कं समय, देसबंधे जहण्णेणं एक्कं समयं, उक्कोसेणं अंतोमुहत्तं / रयणप्पभा पुढविणेरइयपुच्छा, गोयमा ! सव्वबंधे एक्कं समय, देसबंधे जहण्णेणं दसवाससहस्साई तिसमयऊणाई, उक्कोसेणं सागरोवमं समयऊणं, एवं जाव अहे सत्तमा णवरं देसबंधे जस्स जा जहणिया ठिई सा तिसमयऊणा कायव्वा जाव उक्कोसा सा समयऊणा। पंचिदियतिरिक्खजोणियाणं मणुस्साण य जहा वाउक्काइयाणं / असुरकुमारणागकुमार जाव अणुत्तरोववाइयाणं जहा णेरइयाणं णवरं जस्स जा ठिई सा भाणियव्वा 'जाव अणुत्तरोववाइयाणं सव्वबंधे एक्कं समयं देसबंधे जहणणं एक्कतीसं सागरोवमाइं तिसमयऊणाई, उक्कोसेणं तेत्तीसं सागरोवमाई समयऊणाई / वेउव्वियसरीरप्पओगबंधतरं णं भंते ? कालओ केवच्चिरं होइ ? गोयमा ! सव्वबंधंतरं जहणणं एक्कं समयं, उक्कोसेणं अगंतं कालं अणंताओ जाव आवलियाए असंखेज्जइ भागो, एवं देसबंधतरंपि / वाउक्काइयवेउन्वियसरीरपुच्छा ? गोयमा ! सव्वबंधंतरं जहण्णेणं अंतोमुहत्तं, उक्कोसेणं पलिओवमस्स असं. खेज्जइभागं, एवं देसबंधतरंपि / तिरिक्खजोणियचिदियवेउब्वियसरीर. प्पओगबंधंतरं पुच्छा, गोयमा ! सबबंधंतरं जहण्णेणं अंतोमुहत्तं, उक्कोसेणं पुवकोडिपुहुत्तं, एवं देसबंधंतरपि, एवं मणुस्सस्सवि / जीवस्स णं भंते ! वाउकाइयत्ते णोबाउकाइय ते पुणरवि वाउकाइयत्ते वाउकाइयएगिदियवेउवियपुच्छा ? गोयमा ! सव्वबंधतरं जहण्णणं अंतोमहत्तं, उक्कोसेणं अणतं कालं वणस्सइकालो, एवं देसबंधंतरपि / जीवस्स णं भंते ! रयणप्पभापुढविणेरइयत्ते गोरयणप्पमापुडवि० पुच्छा ? गोयमा ! सव्वबंधंतरं जहण्णेणं दसवाससहस्साई
