________________ 630 अंग-पविट्ट सुत्ताणि देसबंधे सव्वबंधे ? गोयमा ! देसबंधेवि सव्वबंधेवि / आहारगसरीरप्पओग. बंधे णं भंते ! कालओ केवच्चिरं होइ ? गोयमा I सम्वबंधे एक्कं समयं, देसबंधे जहण्णणं अंतोमहत्त उक्कोसेणवि अंतोमहत्तं / आहारगसरीरप्पओगबंधंतरे णं भंते ! कालओ केवच्चिरं होइ ? गोयमा ! सव्वबंधंतरं जहण्णेणं अंतोमुहत्तं उवकोसेणं अणंतं कालं अणंताओ ओसप्पिणिउस्सप्पिणीओ कालओ, खेत्तओ अणंता लोया अवड्ढं पोग्गलपरियट्टं देसूणं, एवं देसबंधंतरंपि / एएसि गंभंते ! जीवाणं आहारगसरीरस्स देसबंधगाणं सव्वबंधगाणं अबंधगाण य कयरे 2 हितो जाव विसेसाहिया वा ? गोयमा ! सव्वत्थोवा जीवा आहारग. सरीरस्स सव्वबंधगा, देसबंधगा संखेज्जगुणा, अबंधगा अणंतगुणा 3 // 348 // तेयासरीरप्पओगबंधे णं भंते ! 'कइविहे पण्णत्ते ? गोयमा ! पंचविहे पणत्ते, तंजहा-एगिदियतेयासरीरप्पओगबंधे य बेइंदिय० तेइंदिय० जाव पंचिदियतेया. सरीरप्पओगबंधे य / एगिदियतेयासरीरप्पओगबंधे जं भंते ! कइविहे पण्णत्ते ?एवं एएणं अभिलावेणं भेओ जहा ओगाहणसंठाणे जाव पज्जतासव्व. दृसिद्धअणुत्तरोववाइयकप्पाईयवेमाणियदेवचिदियतेयासरीरप्पओगबंधे य अपज्जत्तासव्वट्ठसिद्धअणुत्तरोववाइय जाव बंधे य। तेयासरीरप्पओगबंधे णं भंते ! कस्स कम्मस्स उदएणं ? गोयमा ! वीरियसजोगसहव्वयाए जाव आउयं च पडुच्च तेयासरीरप्पओगणामाए कम्मस्स उदएणं तेयासरीरप्पओगबंधे / तेयासरीरप्पओगबंधे णं भंते ! कि देसबंधे सव्वबंधे ? गोयमा ! देसबंधे णो सव्वबंधे। तेयासरीरप्पओगबंधे णं भंते ! कालओ केवच्चिरं होइ ? गोयमा! दुविहे पण्णत्ते, तंजहा-अणाइए वा अपज्जवसिए अणाइए वा सपज्जवसिए। तेयासरीरप्पओगबंधंतरं णं भंते ! कालओ केवच्चिरं होइ ? गोयमा ! अणा. इयस्स अपज्जवसियस्स पत्थि अंतरं, अणाइयस्स सपज्जवसियस्स णत्थि अंतरं / एएसि णं भंते ! जीवाणं तेयासरीरस्स देसबंधगाणं अबंधगाण य कयरे 2 हितो जाव विसेसाहिया वा ? गोयमा ! सव्वत्थोवा जीवा तेयासरीर स्स अबंधगा, देसबंधगा अणंतगुणा 4 // 346 // कम्मासरीरप्पओगबंधे णं भंते ! कइ विहे पण्णत्ते ? गोयमा ! अट्ठविहे पण्णत्ते, तंजहा–णाणावरणिज्ज. कम्मासरीप्पओगबंधे जाव अंतराइयकम्मासरीरप्पओगबंधैं / णाणावरणिज्ज
