________________ भगवई स. 8 उ. 9 623 अणाईयवीससाबंधे, आगासस्थिकायअण्णमण्णअणाईयवीससाबंधे / धम्मत्थि. कायअणमण्णअणाईयवीससाबंधे णं भंते ! कि देसबंधे सव्वबंधे ? गोयमा ! देसबंधे णो सव्वबंधे, एवं अधम्मत्थिकायअण्णमण्णअणाईयवीससाबंधेवि, एवमागासत्थिकायअण्णमण्णअणाईयवीससाबंधेवि / धम्मत्थिकायअण्णमण्णअणाईयवीससाबंधे णं भंते ! कालओ केवच्चिरं होइ ? गोयमा ! सव्वद्धं, एवं अधम्मत्थिकाए, एवं आगासत्थिकाए वि। साईयवीससाबंधे णं भंते ! कइविहे पण्णत्ते ? गोयमा ! तिविहे पण्णत्ते, तंजहा-बंधणपच्चइए, भायणपच्चइए परिणामपच्चइए / से कि तं बंधणपच्चइए ? 2 जण्णं परमाणुपोग्गला दुप्पएसिया तिप्पएसिया जाव दसपएसिया संखेज्जा पएसिया असंखेज्जपएसिया, अगंतपएसियणां खंधाणं वेमायणिद्धयाए वेमायलुक्खयाए वेमायणिद्धलुक्खयाए बंधणपच्चइए गं बंधे समुप्पज्जइ जहण्णेणं एक्कं समयं उक्कोसेणं असंखेज्जं कालं, सेत्तं बंधणपच्चइए / से कि तं भायणपच्चइए ? भायणपच्चइए जण्णं जुण्णसुराजण्णगुलजुण्णतंदुलाणं भायणपच्चएइएणं बंधे समुप्पज्जइ जहणेणं अंतोमहत्तं उक्कोसेणं संखेज्जं कालं, सेत्तं भायणपच्चइए / से किं तं परिणामपच्चइए ? परिणामपच्चइए जणं अब्भाणं अन्भरुक्खाणं जहा तइयसए जाव अमोहाणं परिणामपच्चइए णं बंधे समुप्पज्जइ जहणेणं एक्कं समयं उक्कोसेणं छम्मासा, सेत्तं परिणामपच्चइए, सेत्तं साईयवीससाबंधे, सेत्तं वीससाबंधे // 345 // से कि तं पओगबंधे ? पओगबंधे तिविहे पण्णत्ते, तंजहा-अणाईए वा अपज्जवसिए, साईए वा अपज्जवसिए, साईए वा सपज्जवसिए / तत्थ णं जे से अणाईए अपज्जवसिए से णं अट्टण्हं जीवमज्झपएसाणं / तत्थवि णं तिण्हं 2 अणाईए अपज्जवसिए सेसाणं साईए, तत्थ गं जे से साईए अपज्जवसिए से गं सिद्धाणं, तत्थ णं जे से साईए सपज्जवसिए से णं चउविहे पण्णत्ते, तंजहा-आलावणबंधे, अल्लियावणबंधे, सरीरबंधे, सरीरप्पओगबंधे / से कि तं आलावणबंधे ? आलावणबंधे जण्णं तणभाराण वा कटुभाराण वा पत्तभाराण वा पलालभाराण वा वेल्लभाराण वा वेत्तलयावागवरत्तरज्जवल्लिकुसदब्भमाईएहि आलावणबंधे समुप्पज्जइ जहणेणं अंतोमुहत्तं उक्कोसेणं संखेज्जं कालं, सेतं आलावणबंधे / से कि तं अल्लियावणबंधे ? अल्लियावणबंधे चउन्विहे पण्णत्ते, तंजहा-लेसणाबंधे, उच्चयबंधे, समुच्चयबंधे, साहणणाबंधे / से किं तं लेसणाबंधे ? लेसणाबंधे
