________________ 624 अंग-पविट्ठ सुत्ताणि जग्णं कुट्टा णं कोट्टिमाणं खंभाणं पासायाणं कट्ठाणं चम्माणं घडाणं पडाणं कडाणं छुहाचिक्खिल्लसिलेस्सलक्खमहुसित्थमाइएहि लेसणपहिं बंधे समुप्पज्जइ जहणेणं अंतोमुहत्तं, उक्कोसेणं संखेनं कालं, सेत्तं लेसणाबंधे। से कि तं उच्चयबंधे ? उच्चयबंधे जण्णं तणरासीण वा, कट्टरासीण वा, पतरासीग वा, तुसरासीण वा भसरासीण वा गोमयरासीण वा अवगररासीण वा उच्चतेणं बंधे समुप्पज्जइ जहण्णेणं अंतोमुहुत्तं उक्कोसेणं संखेज्जं कालं, सेत्तं उच्चय. बंधे / से किं तं समुच्चयबंधे ? समुच्चयबंध जण्णं अगडतडागणईदहवावी. पुक्खरिणीदीहिहियाणं गुंजालियाणं सराणं सरपंतियाणं सरसरपंतियाणं बिल. पंतियाणं देवकुलसभप्पवथूभखाइयाणं फरिहाणं पागारट्टालगचरियदारगोपुरतोर. णाणं पासायघरसरणलेणआवणाणं सिंघाडगतियचउक्कचच्चरचउम्मुहमहापहमाईणं छुहाचिक्खिल्लसिलेससमुच्चएणं बंधे समुप्पज्जइ जहणेणं अंतोमुहत्तं उक्कोसेणं संखेज्जं कालं, सेत्तं समुच्चयबंधे / से कि तं साहणणाबंधे ? साह. णणाबंधे दुविहे पण्णत्ते, तंजहा-देससाहणणाबंधे य सव्वसाहणणाबंधे य / से कि तं देससाहणणाबंधे ? देससाहणणाबंधे जपणं सगडरहजाणजुग्गगिल्लिथिल्लिसीयसंदमाणियलोहीलोहकडाहकडुच्छ्यआसणसयणखंभभंडमत्तोवगरणमाईणं देससाहणणाबंधे समुप्पज्जइ जहणेणं अंतोमुत्तं उक्कोसेणं संखेज्ज कालं, सेत्तं देससाहणणाबंधे / से किं तं सव्वसाहणणाबंधे ? सम्वसाहणणाबंधे से णं खीरोदगमाईणं, सेत्तं सव्वसाहणणाबंधे, सेत्तं साहणणाबंधे, सेत्तं अल्लि. यावणबंधे // 346 // से किं तं सरीरबंधे ? सरीरबंधे दुविहे पण्णत्ते, तंजहापुव्वप्पओगपच्चइए य पडुप्पण्णपओगपच्चइए य / से किं तं पुव्वप्पओगपच्चइए पुवपओगपच्चइए जण्णं णेरइयाणं संसारस्थाणं सव्वजीवाणं तत्थ 2 तेसु 2 कार. णेसु समोहणमाणाणं जीवप्पएसाणं बंधे समुप्पज्जइ सेत्तं पुस्वप्पओगपच्चइए / से किं तं पड़प्पण्णप्पओगपच्चइए ?2 जण्णं केवलणाणिस्स अणगारस्स केवलि. समुग्घाएणं समोहयस्स ताओ समुग्घायाओ पडिणियत्तमाणस्स अंतरा मंथे वट्टमाणस्स तेयाकम्माणं बंधे समुप्पज्जइ कि कारणं? ताहे से पएसा एगत्ती. गया भवंति , सेत्तं पडुप्पण्णप्पओगपच्चइए, सेत्तं सरीरबंधे / से कि तं सरीरप्पओगबंधे ? सरीरप्पओगबंधे पंचविहे पण्णत्ते, तंजहा-ओरालियसरीर.
