________________ 622 अंग-पविट्ट सुत्ताणि गोयमा ! णो तीयं खेत्तं गच्छंति पडुप्पण्णं खेत्तं गच्छंति णो अणागयं खेत्तं गच्छति / जंबुद्दीवे गं भंते ! दीवे सूरिया कि तीयं खेत्तं ओभासंति पडुप्पण्णं खेत्तं ओभासंति अणागयं खेत्तं ओभासंति ? गोयमा ! णो तीयं खेत्तं ओभासंति षडुप्पण्णं खेत्तं ओभासंति णो अणागयं खेत्तं ओभासंति / तं भंते ! कि पुट्ठ ओभासंति अपुढं ओभासंति ? गोयमा ! पुढें ओभासंति णो अपुढें ओभा. संति जाव णियमा छदिसि / जंबूदीवे गं भंते ! दीवे सूरिया कि तीयं खेत्तं उज्जोवेंति ? एवं चेव जाव णियमा छद्दिसि, एवं तवेंति एवं भासंति जाव णियमा छदिसि / जंबुद्दीवे गं भंते ! दीवे सूरियाणं कि तीए खेत्ते किरिया कज्जइ पडुप्पण्णे खेत्ते किरिया कज्जइ अणागए खेत्ते किरिया कज्जई ? गोयमा ! णो तीए खेत्ते किरिया कज्जइ पड़प्पण्णे खेते किरिया कज्जइ णो अणागए खेत्ते किरिया कज्जइ / सा भंते ! किं पुट्ठा कज्जइ अपुट्ठा कज्जइ ? गोयमा ! पुट्ठा कज्जइ णो अपुट्ठा कज्जइ जाव णियमा छद्दिसि / जंबुद्दीवे गं भंते ! दोवे सूरिया केवइयं खेत्तं उड्ढं तवंति केवइयं खेत्तं अहो तवंति केवइयं खेत्तं तिरियं तवंति ? गोयमा ! एगं जोयणसयं उड्ढं तवंति अट्ठारस जोयणसयाई अहे तवंति सीयालीसं जोयणसहस्साइं दोण्णि य तेवढे जोयणसए एक्कवीसं च सद्विभाए जोयणस्स तिरियं तवंति / अंतो णं भंते ! माणुसुत्तरस्स पव्वयस्स जे चंदिमसूरियगहगणणक्खत्ततारारूवा ते णं भंते ! देवा कि उड्ढो. बवण्णगा ? जहा जीवाभिगमे तहेव गिरवसेसं जाव उवकोसेणं छम्मासा। बहिया गं भंते ! माणुसुत्तरस्स जहा जीवाभिगमे जाव इंदाणे णं भंते ! केवइयं कालं उववाएणं विरहिए पण्णत्ते ? गोयमा ! जहण्णेणं एक्कं समयं उक्कोसेणं छम्मासा / सेवं भंते ! सेवं भंते ! ति // 343 // अट्ठमं सयं णवमो उद्देसो कइविहे गं भंते ! बंधे पणत्ते ? गोयमा ! दुविहे बंधे पण्णत्ते, तंजहापओगबंधे य वीससाबंधे य // 344 // वीससाबंधे णं भंते ! कइबिहे पणते ? गोग्रमा ! दुविहे पण्णत्ते, तंजहा-साईयवीससाबंधे य अणाईयवीससाबंधे य / अणाईयवीससाबंधे णं भंते ! कइविहे पण्णत्ते ? गोयमा ! तिविहे पणत्ते, तंजहा-धम्मत्थिकायअण्णमण्णअणाईयवीससाबंधे, अधम्मत्थिकायअण्णमण्ण.
