________________ भगवई स. 8 उ. 8 621 सरागछ उमत्थस्स कइ परीसहा पण्णत्ता ? गोयमा ! चोइस परीसहा पण्णता बारस पुण वेएइ, जं समयं सीयपरीसहं वेएइ णो तं समयं उसिणपरीसहं वेएइ जं समयं उसिणपरोसहं वेएइ णो तं समयं सीयपरीसहं वेएइ, जं समयं चरिया. परीसहं वेएइ णो तं समयं सेज्जापरीसहं वेएइ जं समयं सेज्जापरीसहं वेएइ णो तं समयं चरियापरीसहं वेएइ / एक्कविहबंधगस्स णं भंते ! वीयरागछउमत्थस्स कइ परीसहा पण्णता ? गोयमा ! एवं चेव जहेव छव्विहबंधगस्स / एगविहबंधगस्स गं भंते ! सजोगिभवत्थकेवलिस्स कइ परीसहा पण्णता ? गोयमा ! एक्कारस परीसहा पण्णत्ता, णव पुण वेएइ, सेसं जहा छविहबंध. गस्स / अबंधगस्स गं भंते ! अजोगिभवत्थकेवलिस्स कइ परीसहा पण्णत्ता ? गोयमा ! एक्कारस परीसहा पण्णता, णव पुण वेएइ, जं समयं सीयपरीसहं वेएइ णो तं समयं उसिणपरीसहं वेएइ जं समयं उसिणपरीसहं वेएइ णो तं समयं सीयपरीसहं वेएइ, जं समयं चरियापरीसहं वेएइ णो तं समयं सेज्जापरीसहं वेएइ जं समयं सेज्जापरीसहं वेएइ णो तं समयं चरियापरीसहं वेएइ // 342 // जंबूद्दीवे गं भंते ! दीवे सूरिया उग्गमणमुहुत्तंसि दूरे य मूले य दोसंति मशंतियमुहत्तंसि मूले य दूरे य दीसंति अत्थमणमुहत्तंसि दूरे य मूले य दीसंति ? हंता गोयमा ! जंबुद्दीवे गं दीवे सूरिया उग्गमणमुहुत्तंसि दूरे य तं चेव जाव अत्थमणमुहुत्तंसि दूरे य मूले य दीसंति / जंबुद्दीवे गं भंते ! दीवे सूरिया उग्गमणमुत्तसि मज्झंतियमहत्तंसि य अत्थमणमुहत्तंसि य सव्वत्थ समा उच्चत्तेणं ? हंता गोयमा ! जंबुद्दीवे गं दीवे सूरिया उग्गमण जाव उच्चत्तेणं / जइ णं भंते ! जंबुद्दीवे 2 सूरिया उग्गमणमुहुत्तंसि य मज्झंतिय. अस्थमणमहत्तंसि जाव उच्चत्तणं से केणं खाइ अट्ठणं भंते ! एवं वच्चइ जंबहीवे गं दीवे सूरिया उग्गमणमहत्तंसि दूरे य मले य दीसंति जाव अत्थ. मणमुहुतंसि दूरे य मूले य दीसंति ? गोयमा ! लेसापडिघाएणं उग्गमण. मुहुत्तंसि दूरे य मूले य दीसंति लेसाभितावेणं ममंतियमुहत्तंसि मूले य दूरे य दीसंति लेसापडिघाएणं अत्थमणमुहुत्तंसि दूरे य मूले य दीसंति, से तेणठेणं गोयमा ! एवं वुच्चइ-जंबुद्दीवे णं दीवे सूरिया उग्गमणमुहुत्तंसि दूरे य मले य दीसंति जाव अत्थमण जाव दीसंति / जंबद्दीवे णं भंते ! दीवे सूरिया कि तीयं खेत्तं गच्छति पडुप्पण्णं खेत्तं गच्छंति अणागयं खेत्तं गच्छति ?
