________________ भगवई स. 8 उ. 3 607 सुपअण्णाणपज्जवा अणंतगुणा सुयणाणपज्जवा विसेसाहिया मइअण्णाणपज्जवा अणंतगणा आभिणिबोहियणाणपज्जवा विसेसाहिया केवलणाणपज्जवा अणंत. गुणा / सेवं भंते ! सेवं भंते ! ति // 322 // अट्ठमं सयं तइओ उद्देसो कइविहा गं भंते ! रुक्खा पण्णत्ता ? गोयमा ! तिविहा रुक्खा प०, तंजहा-संखेज्जजीविया असंखेज्जजीविया अणंतजीविया। से कि तं संखेज्जनीविया ? संखेज्ज० अणेगविहा प०, तंजहा-ताले तमाले तक्कलि तेयलि जहा पण्णवणाए जाव णालिएरी, जे यावणे तहप्पगारा, सेत्तं संखेज्जजीविया। से किं तं असंखेज्जजीविया ? असंखेज्जजीविया दुविहा प०, तंजहा-एगट्ठिया य बहुबोयगा य / से कि तं एगट्ठिया ? 2 अणेगविहा प०, तंजहा-णिबंबजंबू० एवं जहा पण्णवणापए जाव फला बहुबीयगा, सेत्तं बहुबीयगा, सेत्तं असंखेज्ज. जीविया / से किं तं अगंतजीविया? अगंतजीविया अणेगविहा प०, तं०-आलुए मूलए सिंगबेरे, एवं जहाँ सत्तमसए जाव सोउण्हे सिउंढी मुसुंढी, जे यावण्णे त०, सेत्तं अगंतजीविया // 323 // अह भंते ! कुम्मे कुम्मावलिया गोहे गोहावलिया गोणा गोणावलिया मणुस्से मणुस्सावलिया महिसे महिसावलिया एएसि णं दुहा वा तिहा वा संखेज्जहा वा छिण्णाणं जे अंतरा तेवि गं तेहिं जीवपएसेहि फुडा ? हंता ! फुडा / पुरिसे गं भंते ! अंतरे हत्थेण वा पाएण वा अंगुलियाए वा सलागाए वा कट्ठण वा कलिचेण वा आमुसमाणे वा संमुसमाणे वा आलिहमाणे विलिहमाणे वा अण्णयरेणं वा तिक्खेणं सत्थजाएणं आच्छिदमाणे वा विच्छिदमाणे वा अगणिकाएणं वा समोडहमाणे तेसि जीवपएसाणं किंचि आबाहं वा विबाहं वा उप्पायइ छविच्छेदं वा करेइ ? णो इणठे समठे, णो खलु तत्थ सत्थं संकमइ // 324 // कइ गं भंते ! पुढवीओ पण्णत्ताओ? गोयमा ! अट्ठ पुढवीओ पण्णत्ताओ, तंजहा-रयणप्पभा जाव अहे सत्तमा पुढविईसिपब्भारा / इमा णं भंते ! रयणप्पभापुढवी किं चरिमा अचरिमा ? चरिमपयं णिरवसेसं भाणियव्वं जाव वेमाणिया गं भंते ! फासचरिमेणं कि चरिमा अचरिमा ? गोयमा ! चरिमावि अचरिमावि / सेवं भंते ! सेवं भंते ! त्ति भगवं गो० // 325 //
