________________ 606 अंग-पविट्ठ सुत्ताणि माणइ पासइ / सुयअण्णाणस्स णं भंते ! केवइए विसए पणते ? गोयमा ! से समासओ चउव्विहे पण्णत्ते, तंजहा-दव्वओ ४,दव्वओं णं सुयअण्णाणी सुयअण्णाणपरिगयाइं दव्वाइं आघवेइ पण्णवेइ परूवेइ, एवं खेत्तओ कालओ, भावओ णं सुयअण्णाणी सुयअण्णाणपरिगए भावे आघवेइ तं चेव / विभंगणाणस्स गं भंते ! केवइए विसए पण्णते ? गोयमा ! से समासओ चउबिहे पण्णत्ते, तंजहा-दव्वओ 4, दव्वओ गं विभंगणाणी विभंगणाणपरिगयाई दव्वाइं जाणइ पासइ, एवं जाव भावओ गं विभंगणाणी विभंगणाणपरिगए भावे जाणइ पासइ // 321 // णाणी णं भंते ! गाणीति कालओ केवच्चिरं होइ ? गोयमा ! णाणी दुविहे पण्णत्ते, तंजहा-साइए वा अपज्जवसिए साइए वा सपज्जवसिए, तत्थ णं जे से साइए सपज्जवसिए से जहणेणं अंतोमहत्तं उवको. सेणं छाढि सागरोवमाइं साइरेगाई / आभिणिबोहियणाणी णं भंते ! आभिणि. बोहिय० एवं णाणी आभिणिबोहियणाणी जाव केवलणाणी / अण्णाणी मइ. अण्णाणी सुयअण्णाणी विभंगणाणी, एएसि दसण्हवि संचिट्ठणा जहा कायठिईए। अंतरं सव्वं जहा जीवाभिगमे / अप्पाबहुगांणि तिणि जहा बहुवत्तव्वयाए / केवइया णं भंते ! आभिणिबोहियणाणपज्जवा पण्णत्ता ? गोयमा ! अणंता आभिणिबोहियणाणपज्जवा पण्णत्ता / केवइया गं भंते ! सुयणाणपज्जवा प०? एवं चेव एवं जाव केवलणाणस्स / एवं मइअण्णाणस्स सुयअण्णाणस्स, केवइया णं भंते ! विभंगणाणपज्जवा प० ? गोयमा ! अणंता विभंगणाणपज्जवा प० / एएसि णं भंते ! आभिणिबोहियणाणपज्जवाणं सुयणाण. ओहिणाण. मण. पज्जवणाण० केवलणाणपज्जवाण य कयरे 2 जाव विसेसाहिया वा ? गोयमा ! सव्वस्थोवा मणपज्जवणाणपज्जवा ओहिणाणपज्जवा अणंतगुणा सुयणाणपज्जवा अणंतगुणा आभिणिबोहियणाणपज्जवा अणंतगुणा केवलणाणपज्जवा अणंतगणा। एएसि णं भंते ! मइअण्णाणपज्जवाणं सुयअण्णाण विभंगणाणपज्जवाण य कयरे 2 जाव विसेसाहिया वा ? गोयमा ! सव्वत्थोवा विभंगणाणपज्जवा सुयअण्णाणपज्जवा अणंतगुणा मइअण्णाणपज्जवा अणंतगुणा / एएसि गं भंते ! आभिणिबोहियणाणपज्जवाणं जाव केवलणाणप० मइअण्णाणप० सुयअण्णाणप० विभंगणाणप० कयरे 2 जाव विसेसाहिया वा ? गोयमा! सव्वत्थोवा मणपज्जवणाणपज्जवा विभंगणाणपज्जवा अणंतगुणा ओहिणाणपज़्जवा अणंतगुणा
