________________ भगवई स. 8 उ. 2 605 अण्णाणी विभंगणाणी, केवलदंसणअणागारोवउत्ता जहा केवलणाणलद्धिया। सजोगी णं भंते ! जीवा किं णाणी. ? जहा सकाइया, एवं मणजोगी वइजोगी कायजोगीवि, अजोगी जहा सिद्धा / सलेस्सा णं भंते ! जीवा कि णाणी. ? जहा-सकाइया / कण्हलेस्सा णं भंते ! जहा सइंदिया, एवं जाव पम्हलेसा, सुक्कलेस्सा जहा सलेस्सा, अलेस्सा जहा सिद्धा / सकसाई गं भंते ! जहा सइंदिया, एवं जाव लोहकसाई / अकसाई गं भंते ! * ?पंच णाणाई भयणाए / सवेयगा णं भंते ! जहा सइंदिया, एवं इत्थिवेयगावि, एवं पुरिसवेयगावि, एवं णपुंसगवे०, अवेयगा जहा अकसाई / आहारगाणं भंते ! जीवा० ? जहा सकसाई णवरं केवलणाणंपि, अणाहारगा गं भंते / जीवा कि णाणी अण्णाणी ? मणपज्जवणाणवज्जाई णाणाई अण्णाणाणि य तिण्णि भयणाए // 320 // आभिणिबोहियणाणस्स णं भंते ! केवइए विसए पण्णत्ते ? गोयमा ! से समासओ चउविहे प०, तंजहा-दव्वओ खेत्तओ कालओ भावओ। दव्वओ णं आभिणिबोहियणाणी आएसेणं सव्वदव्वाइं जाणइ पासइ, खेत्तओ णं आभिणिबोहियणाणी आएसेणं सव्वखेत्तं जाणइ पासइ, एवं कालओवि, एवं भावओवि / सुयणाणस्स णं भंते ! केवइए विसए पण्णत्ते ? गोयमा ! से समासओ चउबिहे पण्णत्ते, तंजहा-दव्वओ 4, दव्वओ णं सुयणाणी उवउत्ते सव्वदव्वाइं जाणइ पासइ, एवं खेत्तओवि कालओवि, भावओणं सुयणाणो उवउत्ते सव्वभावे जाणइ पासइ / ओहिणाणस्स णं भंते ! केवइए विसए पण्णत्ते? गोयमा ! से समा. सओ चउविहे पण्णत्ते, तंजहा-दव्वओ 4, दन्वओ णं ओहिणाणी रूविदव्वाइं जाणइ पासइ जहा णंदीए जाव भावओ। मणपज्जवणाणस्स णं भंते ! केवइए विसए पण्णते ? गोयमा ! से समासओ चउविहे पण्णत्ते, तंजहादव्वओ 4, दव्वओणं उज्जुमई अणंते अणंतपएसिए जहा गंदीए जाव भावओ। केवलणाणस्स गं भंते ! केवइए विसए पण्णते ? गोयमा ! से समासओ चउविहे पण्णत्ते, तंजहा-दव्वओ खेत्तओ कालओ भावओ, दव्वओ णं केवलणाणी सव्वदव्वाई जाणइ पासइ एवं जाव भावओ। मइअण्णाणस्स णं भंते ! केवइए विसए पण्णते ? गोयमा ! से समासओ चउविहे पण्णते, तंजहादव्वंओ खेत्तओ कालओ भावओ / दन्वओ गं मइअण्णाणी मइअण्णाणपरिगयाई दव्वाइं जाणइ पासइ, एवं जाव भावओ मइअण्णाणी मइअण्णाणपरिगए भावे
