________________ 48 अंग-पविट्ठ सुत्ताणि पवालं वा, पिलुंखुपवालं वा, णीपूरपवालं वा, सल्लइपवालं वा, अण्णयरं तहप्पगारं पवालजायं आमगं असत्थपरिणयं अफासुयं अणेसणिज्जं जाव णो पडिग़ाहिज्जा // 610 // से भिक्खू वा 2 जाव समाणे से जं पुण सरडुयजायं जाणिज्जा, तंजहा-अंबसरडुयं वा, कविट्ठसरडुयं वा, दाडिमसरडुयं वा, विल्लसरडयं वा, अण्णयरं वा तहप्पगारं सरडुयजायं आमग असत्थपरिणयं अफासु जाव णो पडिगाहिज्जा // 611 // से भिक्खू वा 2 जाव पविढे समाणे, से जं पुण मंथुजायं जाणिज्जा, तंजहा-उंबरमंथु वा, णग्गोहमंथु वा, पिलक्खुमथु वा, आसोत्थमंथु वा, अण्णयरं वा, तहप्पगारं मंथुजायं आमयं दुरुकं साणुबीयं अफासुयं जाव णो पड़िगा. हिज्जा // 612 // से भिक्खू वा 2 जाव समाणे से जं पुण जाणिज्जा, आमडागं वा, पूइ पिण्णागं वा, महुं वा मज्जं वा सप्पिं वा, खोलं वा पुराणं एत्थ पाणा अणुप्पसूया, एत्थ पाणा जाया, एत्थ पाणा संवुड्डा, एत्थ पाणा अवुकंता, एत्थ पाणा अपरिणया, एत्थ पाणा अविद्धत्था जाव णो पडिगाहिजा // 613 // से भिक्खूवा, 2 जाव समाणे से जं पुण जाणिज्जा, उच्छुमेरगंवा अंककरेलुयं वा, कसेरुगं वा, सिंघाडगं वा, पूइआलुगं वा, अण्णयरं वा तहप्पगारं आमग असत्थपरिणय जाव णो पडिगाहिज्जा // 614 // से भिक्खू वा 2 से जं पुण जाणिज्जा; उप्पलं वा, उप्पल णालं वा, भिसं वा, भिसमुणालं वा, पोक्खलं वा, पोक्खल विभगं वा, अण्णयरं वा तहप्पगारं, जाव णो पडिगाहिज्जा // 615 / / से मिक्खू वा, 2 जाव समाणे, से जं पुण जाणिज्जा, अग्गबीयाणि वा, मूलबीयाणि वा, खंधीयाणि वा, पोरबीयाणि वा, अग्गजायाणि वा, मूलजायाणि वा, खंधजायाणि वा, पोरजायाणि वा, णण्णत्थ तकलिमत्थएणवा, तक्कलिसीसेण वा, णालिएरमत्थएण वा,खज्जूर मत्थएणवा, तालमत्थएण वा, अण्णयरं वा तहप्पगारं आमं असत्थपरिणयं जाव णो पडि. गाहिज्जा // 616 // से भिक्खू वा 2 जाव समाणे से जं पुण जाणिज्जा, उच्छं वा, काणगं, अंगारियं संमिस्सं, विगदूसियं वेत्तग्गं वा, कंदलीउसयं वा, अण्णयरं वा, तहप्पगारं आमं असत्थ परिणयं जाव णो पडिगाहिज्जा // 617 // से भिक्खू वा 2 जाव समाणे से जं पुण जाणिज्जा, लसुणं वा, लसुणपत्तं वा, लसुणणालं वा,लसुणकंद वा, लसुणचोयं वा, अण्णयरं वा तहप्पगारं आम असत्थ परिणयं जाव णो पडिगाहिज्जा||६१८॥से भिक्खू वा,२ जाव समाणे से जं पुण जाणिज्जा, अच्छिअं
