________________ आयारो सु. 2 अ. 1 उ. 8-9 वा, कुंभिपक्क, तिंदुगं वा, विलुयं वा, पलगं वा, कासवणालियं वा, अण्णयरं वा तहप्पगारं आमं असत्थपरिणयं जाव णो पडिगाहिज्जा // 619 // से भिक्खू वा 2 जाव समाणे से जं पुण जाणिज्जा, कणं वा कणकुंडगं वा, कणपूयलियं वा, चाउलं वा, चाउल पिढे वा, तिलं वा, तिल पिढे वा तिलपप्पडंग वा, अण्णयरं वा, तहप्पगारं आमं असत्थपरिणयं जाव लाभे संते णो पडिगाहिज्जा // 620 // एस खलु तस्स भिक्खुस्स भिक्षुणीए वा सामग्गियं // 621 // अट्ठमोइसो समत्तो // इह खलु पाईणं वा, पडीणं वा, दाहिणं वा, उदीणं वा, संतेगइया सड्ढा भवंति, गाहावइ वा जाव कम्मकरीओ वा; तेसिं च णं एवं वुत्तपुव्वं भवइ जे इमे भवंति समणा, भगवंतो, सीलमंता, वयमंता, गुणमंता, संजया, संवुडा, बंभचारी, उवरया मेहुणाओ धम्माओ, णो खलु एए सिं कप्पइ आहाकम्मिए असणं वा 4 भोइत्तए वा पाइत्तए वा; से जं पुण इमं अहं अप्पणो अट्ठाए णिढ़ियं, तंजहा-असणं वा 4 सव्वमेयं समणाणं णिसिरामो, अवियाई वय पच्छावि अप्पणो अट्ठाए असणं वा 4 चेइस्सामो एयप्पगारं णिग्योसं सोचा णिसम्म तहप्पगारं असणं वा 4 अफासुयं अणेसणिजं जाव लाभे संते णो पडिगाहिज्जा // 622 / / से भिक्खू वा 2 समाणे वसमाणे वा गामाणुगामं वा दूइज्जमाणे से जं पुण जाणिज्जा, गाम वा जाव रायहाणिं वा, इमंसि खलु गामसि वा जाव रायहाणिसि वा संतेगइयस्स भिक्खुस्स पुरे संथुया वा पच्छासंथुया वा परिवसंति, तंजहा-गाहावइ वा जाव कम्मकरीओ वा तहप्पगाराइं कुलाई णो पुव्वामेव भत्ताए वा पाणाए वा णिक्खमेज्ज वा पविसेज्ज वा, केवली बूया, 'आयाणमेयं' / पुरा पेहाए तस्स परो अट्ठाए असणं वा 4 उवकरेज्ज वा, उवक्खडेज्ज वा, अह भिक्खूणं पुव्वोवदिट्ठा 4 जं जो तह पगाराई कुलाई पुव्वामेव भत्ताए वा पाणाए वा पविसेज वा णिक्खमेज्ज वा। से तमायाय एगतमवक्कमिज्जा 2 अणावायमसंलोए चिट्ठज्जा, से तत्थ कालेणं अणुपविसिज्जा 2 तत्थियरेयरेहिं कुलेहिं सामुदाणियं एसियं वेसियं पिंडवायं एसित्ता आहारं आहारिज्जा // 623 // सिया से परो कालेण अणुपविट्ठस्स आहाकम्मियं असणं वा 4 उवकरेज्ज वा उवक्खडेज्ज वा, तं चेगइओ तूसणीओ उवेहेज्जा, "आहडमेव पचाइक्खिस्सामि ' माइट्ठाणं संफासे, णो एवं करेज्जा, से पुव्वामेव आलोए जा ‘आउसो त्ति वा भागिणि त्ति वा, णो खलु मे कप्पइ आहाकम्मियं असणं
