________________ आयारो सु. 2 अ. 1 उ. 8 47 फासुर्य लाभे संते जाव पडिगाहिज्जा // 602|| से भिक्खू वा 2 जाव समाणे से जं पुण पाणगं जाणेज्जा अणंतरहियाए पुढवीए जाव संताणए ओहट्ट णिक्खित्ते सिया असंजए भिक्खुपडियाए, उदउल्लेण वा, ससिणिद्धेण वा, सकसाएण वा, मत्तेण वा सीओदएण वा, संभोएत्ता आह? दलएज्जा तहप्पगारं पाणगजायं अफासुयं लाभे संते णो पडिगाहिज्जा // 603|| एयं खलु तस्स भिक्खुस्स वा भिक्खुणीए वा सामग्गियं // 604 // सत्तमोइसो समत्तो। से भिक्खू वा 2 जाव पविढे समाणे से जं पुण पाणगजायं जाणिज्जा, तंजहा-अंबपाणगं वा, अंबाडगपाणगं वा, कविठ्ठपाणगं वा, माउलिंगपाणगं वा मुद्दियापाणगं वा, दाडिमपाणगं वा, खज्जूरपाणगं वा, णालिएरपाणगं वा, करीरपाणगं वा, कोलपाणगं वा, आमलगपाणगं वा, चिंचापाणगं वा, अण्णयरं वा तहप्पगारं पाणगजायं सअढियं सकणुयं सबीयगं असंजए भिक्नुपडियाए छब्बेण वा दूसेण वा, वालगेण वा, आवीलियाण वा, पवीलियाण परिसाइयाण आहट्ट दलए जा, तहप्पगारं पाणगजायं अफासुयं लाभे संते णो पडिगाहिज्जा // 605 // से भिक्खू वा 2 जाव पविढे समाणे, से आगंतारेसु वा, आरामागारेसु वा, गाहावइकुलेसु वा, परियावस हेसु वा, अण्णगंधाणि वा, पाणगंधाणि वा, सुरभिगंधाणि वा, अग्घाय 2 से तत्थ आसायपडियाए मुच्छिए, गिद्धे, गढिए, अझोववण्णे 'अहो गंधो 2 ' णो गंधमाघाइजा // 606 / / से भिक्खू वा 2 जाव समाणे, से ज पुण जाणेज्जा, सालुयं वा, विरालियं वा, सासवणालियं वा, अण्णयरं वा तहप्पगारं आमग असत्थपरिणयं अफासुयं जाव णो पडिगाहिज्जा // 607|| से भिक्खू वा 2 जाव पविढे समाणे से जं पुण जाणेज्जा, पिप्पलिं वा, पिप्पलिचुण्णं वा, मिरियं वा, मिरियचुण्णं वा, सिंगबेरं वा, सिंगबेरचुण्णं वा, अण्णयरं वा तहप्पगारं आमगं असत्थपरिणयं अफासुयं जाव णो पडिगाडिब्जा // 608 // से भिक्खू वा 2 जाव पंविढे समाणे से जं पुण जाणेजा, पलंबजायं तंजहा अंबपलंच वा, अंबाडगपलंबं वा, ताल पलंबं वा, झिझिरिपलंबं वा, सुरभिपलंबं वा, सल्लइपलंबं वा, अण्णयरं वा तहप्पगारं पलंबजायं आमगं असत्थपरिणयं अफासुयं अणेसणिज्ज जाव लाभे संते णो पडिगाहिज्जा // 609 // से भिक्खू वा 2 जाव पविढे समाणे से जं पुण पवालजायं जाणिज्जा, तंजहा-असोत्थपवालं वा णग्गोह
