________________ भगवई स. 7 उ. 9 579 गं से कूणिए राया जेणेव मज्जणघरं तेणेव उवागच्छइ तेणेव उवागच्छित्ता मज्जणघरं अणुप्पविसइ मज्जणघरं अणुप्पविसित्ता हाए कयबलिकम्मे कय. कोउय-मंगल पायच्छिते सव्वालंकारविभूसिए सण्णद्धबद्धवम्मियकवए उप्पीलिय. सरासणपट्टिए पिणद्धगेवेज्ज विमलवरबद्धचिधपट्टे गहियाउह पहरणे सकोरिट. मल्लदामेणं छत्तेणं धरिज्जमाणेणं चउचामरबालवीइयंगे मंगलजयसद्दकयालोए एवं जहा उववाइए जाव उवागच्छिता उदाई हत्थिरायं दुरूढे / तए णं से कूणिए राया हारोत्थयसुकयरइयवच्छे जहा उववाइए जाव सेयवरचामराहिं उद्धव्वमाणीहि-उद्धुव्वमाणोहिं हयगयरहपवरजोहकलियाए चाउरंगिणीए सेणाए सद्धि संपरिवडे महया भडचडगरविंदपरिक्खित्ते जेणेव महासिलाकंटए संगामे तेणेव उवागच्छइ तेणेव उवागच्छित्ता महासिलाकंटयं संगामं ओयाए / पुरओ य से सक्के देविदे देवराया एगं महं अभेज्जकवयं वइरपडिरूवगं विउवित्ता गं चिट्ठइ / एवं खल दो इंदा संगामं संगामेति, तंजहा-देविदे य मणुइंदे य, एगहत्थिणा वि गं पभू कूणिए राया पराजिणित्तए / तए णं से कूणिए राया महासिलाकंटयं संगाम संगामेमाणे णव मल्लई णव लेच्छई कासीकोसलगा अट्ठारसवि गणरायाणो हयमहियपवरवीरघाइयविडियर्याचधद्धयपडागे किच्छ. पाणगए दिसो दिसि पडिसेहित्था / से केगट्टेणं भंते ! एवं वुच्चइ महासिला. कंटए संगामे ? गोयमा ! महासिलाकंटए णं संगामे वट्ट माणे जे तत्थ आसे वा हत्थी वा जोहे वा सारही वा तणेण वा पत्तेण वा कट्टेण वा सक्कराए वा अभिहम्मइ सम्वे से जाणइ महासिलाए अहं अभिहए म० 2, से तेणठेणं गोयमा ! महासिलाकंटए संगामे। महासिलाकंटए णं भंते ! संगामे वद्रमाणे कइ जणसयसाहस्सीओ वहियाओ ? गोयमा ! चउरासीइं जणसयसाहस्सीओ वहियाओ / ते णं भंते ! मणुया णिस्सीला जाव णिप्पच्चक्खाणपोसहोववासा रुट्टा परिकुविया समरवहिया अणुवसंता कालमासे कालं किच्चा कहिं गया कहि उववण्णा ? गोयमा ! उस्सणं णरगतिरिक्खजोणिएसु उववण्णा // 26 // णायमेयं अरहया सुयमेयं अरहया विण्णायमेयं अरहया रहमुसले संगामे, रहमसले पं.भंते ! संगामे वट्टमाणे के जइत्था ? के पराजइत्था ? गोयमा ! वज्जी विदेहपुत्ते चमरे असुरिंदे असुरकुमारराया जइत्था णव मल्लई णव लेच्छई पराजइत्था / तए णं से कूणिए राया रहमुसलं संगाम उवट्टियं
