________________ 580 अंग-पविट्ट सुत्ताणि सेसं जहा महासिलाकंटए णवरं भूयाणंदे हत्थिराया जाव रहमुसलं संगाम ओयाए, पुरओ य से सक्के देविदे देवराया, एवं तहेव जाव चिट्ठति, मग्गओ य से चमरे असुरिंदे असुरकुमारराया एगं महं आयसं किढिणपडिरूवगं विउ. वित्ता णं चिट्ठइ / एवं खलु तओ इंदा संगामं संगामेति, तंजहा-देविदे य मणुइंदे य असुरिंदे य, एगहत्थिणावि णं पभू कूणिए राया जइत्तए तहेव जाव दिसो. दिसि पडिसेहित्था / से केणट्टेणं भंते ! एवं वुच्चइ रहमुसले संगामे ? गोयमा ! रहमुसले गं संगामे वट्टमाणे एगे रहे अणासए असारहिए अणारोहए समुसले महया जणक्खयं जणवहं जणप्पम जणसंवटकप्पं रुहिरकम करेमाणे सव्वओ समंता परिधावित्था से तेणठेणं जाव रहमुसले संगामे / रहमुसले णं भंते ! संगामे वट्टमाणे कइ जणसयसाहस्सीओ वहियाओ ? गोयमा ! छण्णउई जणसयसाहस्सीओ वहियाओ / ते गं भंते ! मणुया णिस्सीला जाव उववण्णा ? गोयमा ! तत्थ णं दस साहस्सीओ एगाए मच्छीए कुच्छिसि उववण्णाओ, एगे देवलोगेसु उववण्णे, एगे सुकुले पच्चायाए, अवसेसा उस्सणं णरगतिरिक्खजोणिएसु उववण्णा / / 300 // कम्हा गं भंते ! सक्के देविदे देवराया चमरे य असुरिंदे असुरकुमारराया कूर्णियस्स रण्णो साहेज्ज दल. इत्था ? गोयमा ! सक्के देविदे देवराया पुव्वसंगइए चमरे असुरिंदे असुर. कुमारराया परियायसंगइए, एवं खलु गोयमा ! सक्के देविदे देवराया चमरे य असुरिंदे असुरकुमारराया कुणियस्स रण्णो साहिज्ज दलइत्था॥३०१॥ बहुजणे णं भंते ! अण्णमण्णस्स एवमाइक्खइ जाव परूवेइ एवं खलु बहवे मणुस्सा अण्णयरेसु उच्चावएसु संगामेसु अभिमुहा चेव पहया समाणा काल. मासे कालं किच्चा अण्णयरेसु देवलोएसु देवत्ताए उववत्तारो भवंति / से कहमेयं भंते ! एवं ? गोयमा ! जण्णं से बहुजणो अण्णमण्णस्स एवं आइक्खइ जाव उववत्तारो भवंति जे ते एवमाहंसु मिच्छं ते एवमाहंसु, अहं पुण गोयमा ! एवमाइक्खामि जाव परूवेमि-एवं खलु गोयमा ! तेणं कालेणं तेणं समएणं वेसाली णामं णयरी होत्था, वण्णओ, तत्थ णं वेसालीए णयरीए वरणे णाम णागणत्तए परिवसइ अड्ढे जाव अपरिभए समणोवासए अभिगयजीवाजीवे जाव पडिलाभेमाणे छठंछठेणं अणिक्खत्तेणं तवोकम्मेणं अप्पाणं भावेमाणे विहरइ। तए णं से वरुणे णागणतुए अण्णया कयाइ रायाभिओगेणं गणाभिओगेणं बलाभि
