________________ 42 अंग-पविटु सुत्ताणि अग्गलपासगाणि वा सइ परक्कमे संजयामेव, परक्कमिज्जा णो उज्जुयं गच्छिज्जा, केवली बूया आयाणमेयं // 574 // से तत्थ परक्कममाणे पयलिज्ज वा, पक्वलेज्ज वा पवडिज वा, से तत्थ पयलेमाणे वा पक्खलेज्जमाणे वा पवडमाणे वा, तत्थ से काए उच्चारेण वा पासवणेण वा खेलेण वा सिंघाणेण वा, वंतेण वा पित्तेण वा, पूएण वा, सुक्केण वा, सोणिएण वा, उवलित्त सिया, तहप्पगारं कायं णो अणंयरहियाए पुढवीए णो ससिणिद्धाए पुढवीए, णो ससरक्खाए पुढवीए, णो चित्तमंताए सिलाए, णो चित्तमंताए लेलूए, कोलावासंसि वा दारुए जीवपइद्विए सअंडे सपाणे जाव संताणए, णो आमज्जिज वा पमजिज्ज वा, संलिहिज्ज वा, विलिहिज्ज वा,उव्वलिज्ज वा, उवट्टिज्ज वा, आयाविज्ज वा, पयाविज्ज वा, से पुव्वामेव अप्पससरक्खं तणं वा, पत्तं वा, कटं वा, सक्करं वा, जाइजा, जाइत्ता से तमायाय एगंतमवक्कमिज्जा, 2 अहे झामथंडिलंसि वा, जाव अण्णयरंसि वा, तहप्पगारंसि पडिलेहिय 2 पमज्जिय 2 तओ संजयामेव आमजिज्ज वा जाव पयाविज्ज वा // 575 / / से भिक्ख वा 2 जाव पविढे समाणे से जं पुण जाणेज्जा गोणं वियालं पडिपहे पेहाए, महिसं वियालं पडिपहे पेहाए एवं मणुस्सं आसं हत्थिं सीहं वग्धं विगं दीवियं अच्छे तरच्छं परिसरं सियालं विरालं सुणयं कोलसुणयं कोकंतियं चित्ताचेल्लड़यं वियालं पडिपहे पेहाए सइपरक्कमे संजयामेव परक्कमेज्जा णो उज्जुयं गच्छेज्जा / / 576 / / से भिक्खू वा 2 जाव समाणे अंतरा से ओवाओ वा, खाणू वा, कंटए वा, घसी वा, भिलूगा वा विसमे वा विज्जले वा, परियावजिज्जा, सइ परक्कमे संजयामेव परक्कमेजा णो उज्जुयं गच्छिज्जा // 577 // से भिक्खू वा 2 गाहावइकुलस्स दुवारबाहं कंटकबोंदियाए परिपिहियं पेहाए तेसिं पुत्वामेव उग्गहं अणणुण्णविय अपडि. लेहिय अपमज्जिय णो अवंगुणिज्ज वा, पविसिज्ज वा, णिक्खमिज्ज वा, तेसिं पुष्वामेव उग्गहं अणुण्णविय पडिलेहिय 2 पमज्जिय 2 तओ संजयामेव अवंगुणिज्ज वा पविसेज्ज वा णिक्खमेज्ज वा // 578 // से भिक्खू वा 2 जाव समाणे से जं पुण जाणेज्जा, समणं वा, माहणं वा, गामपिंडोलगं वा, अतिहिं वा, पुव्वपविढं पेहाए णो तेसिं संलोए सपडिदुवारे चिढेज्जा, केवली बूया आयाणमेयं // 579 / / पुरा पेहाए तस्सद्वाए परो असणं वा, 4 आहटु दलए ज्जा, अह मिक्खूणं पुव्वोवदिट्ठा एस पहष्णा, एस हेऊ, एस उवएसो, जं णो तेसिं संलोए सपडिदुवारे चिट्ठज्जा से
