________________ आयारो सु. 2 अ. 1 उ. 5-6 43 तमायाए एगंतमवक्कमिज्जा 2 अणावायमसंलोए चिढेजा // 580 // से परो अणावायमसंलोए चिट्ठमाणस्स असणं वा 4 आहटु दल एज्जा से यं वएज्जा “आउसंतो समणा ! इमे भे असणं वा 4 सव्वजणाए णिसिटे, तं मुंजह च णं परिभाएह च णं" तं चेगइओ पडिगाहेत्ता तुसिणीओ उवेहेज्जा, अवियाई एयं मममेव सिया एवं माइट्ठाणं संफासे, णो एवं करेज्जा, से तमायाए तत्थ गच्छेज्जा 2 से पुवामेव आलोएज्जा, “आउसंतो समणा! इमे भे असणं वा 4 सव्व जणाए णिसिटे तं भुजह च णं परिभाएह च णं" सेवं वयंत परो वएज्जा 'आउसंतो समणा ! तुम चेव णं परिभाए हि, से तत्थ परिभाएमाणे णो अप्पणो खद्धं 2 डायं 2 उसढं 2 रसियं 2 मणुण्णं 2 णिद्धं 2 लुक्खं 2 से तत्थ अमुच्छिए अगिद्धे अगढिए अणज्झोववण्णे, बहुसममेव, परिभाए जा // 581|| से णं परिभाएमाणं परो वएज्जा आउसंतो समणा ! मा णं तुमं परिभाए हि सव्वे वेगइया ठिया उ भोक्खामो वा पाहामो वा” से तत्थ भुंजमाणे णो अप्पणो खलु 2 जाव लुक्खं 2 से तत्थ अमुच्छिए 4 बहुसममेव भुजिज्ज वा पीइज्ज वा // 582 // से भिक्खू वा 2 जाव समाणे से जं पुण जाणिज्जा, समणं वा, माहणं वा, गामपिंडोलगं वा, अतिहिं वा, पुवपविट्ठ पेहाए णो ते उवाइक्कम्म पविसेज्ज वा ओभासेज्ज वा से तमायाय एगंतमवक्कमेज्जा 2 अणावायमसंलोए चिहिज्जा, अह पुण एवं जाणिज्जा, पडिसेहिए वा दिण्णे वा तओ तमि णियत्तिए संजयामेव पविसिज्ज वा ओभासिज्ज वा // 583 / / एयं खलु तस्स भिक्खुस्स वा भिक्खुणीए वा सामग्गियं // 584 // पढमं अज्झयणं पंचमोइसो समत्तो॥ से भिक्खू वा 2 जाव समाणे से जं पुण जाणेज्जा, रसेसिणो बहवे पाणा घासेसणाए संथडे संणिवइए पेहाए तंजहा—कुक्कुडजाइयं वा, सूयरजाइयं वा अंग्गपिंडंसि वा वायसा संथडा संणिवाइया पेहाए सइ परकमे संजयामेव परक्कमेज्जा णो उज्जुयं गच्छिज्जा // 585 // से भिक्खू वा 2 जाव पविढे समाणे णो गाहावइकुलस्स दुवारसाहं अवलंबिय 2 चिट्ठज्जा, णो गाहावइकुलस्स दगच्छड्डणमत्तए चिट्ठिज्जा, णो गाहावइकुलस्स चंदणिउयए चिट्ठज्जा, णो गाहावइकुलस्स सिणाणस्स वा वच्चस्स वा संलोए सपडिदुवारे चिहिज्जा णो गाहावइकुलस्स आलोयं वा थिग्गलं वा संधिं वा दगभवणं वा बाहाउ पगिज्झिय 2 अंगुलियाए वा उद्दिसिय 2
