________________ आयारो सु. 2 अ.१ उ. 5 41 उवसंखंडिजमाणं पेहाए पुरा अप्पजूहिए सेवं णच्चा णो गाहावइकुल पिंडवायाडियाए णिक्खमिज वा पविसिज्ज वा से तमायाए एगंतमवक्कमिज्जा, एगंतमवकमित्ता अणावायमसंलोए चिट्ठिज्जा, अह पुण एवं जाणेज्जा खरिणीओ गावीओ खीरियाओ पेहाए, असणं वा 4 उवक्खडियं पेहाए पुराए जूहिए से एवं णचा तओ संजयामेव गाहावइकुलं पिंडवायपडियाए पांवेसिज्ज वा णिक्वमिज्ज वा // 569 // भिक्खागाणामेगे एवमाहंसु समाणा वा वसमाणा वा; गामाणुगाम दूइज्जमाणे खुड्डाए खलु अयं गामे संणिरुद्धाए णो महालए से हंता, भयंतारो बाहिरगाणि गामाणि भिक्खायरियाए वयह // 570 // संति तत्गइयस्स भिक्खुस्स पुरे-संथुया वा पच्छासंथुया वा परिवसंति, तंजहा-गाहावई वा, गाहावइणीओ वा गाहावइपुत्ता वा, गाहावइधूयाओ वा, गाहावइसुण्हाओ वा, धाईओ वा, दासा वा, दासीओ वा, कम्मकरा वा, कम्मकरीओ वा, तहप्पगाराई कुलाई पुरे संथुयाणि वा पच्छासंथुयाणि वा, पुवामेव भिक्खायरियाए अणुपविसिस्सामि अवि य इत्थ लमिस्सामि, पिंडं वा लोयं वा, खीरं वा, दधिं वा, गवणीयं वा घयं वा, गुलं वा, तेलं वा, महुं वा मज्जं वा मंस वा सक्कुलिं वा, पूयं वा, सिहरिणिं वा, तं पुव्वामेव भुच्चा पिच्चा पडिग्गहं संलिहिय संमज्जिय तओ पच्छा भिक्खूहिं सद्धिं गाहावइकुलं पिंडवायपडियाए पविसिस्सामि णिक्खमिस्सामि वा, माइट्टाणं संफासे, तं जो एवं करेज्जा, से तत्थ भिक्खूहि सद्धिं कालेण अणुपविसित्ता, तत्थियरेयरेहिं कलेहि सामुदाणियं एसियं वेसिथं पिंडवायं पडिगाहित्ता आहारं आहारिज्जा // 571 / / एयं खलु तस्स भिक्खुस्स वा भिक्षुणीए वा सामग्गिय // 572 // पढमं अज्झयणं चउत्थोइसो समत्तो॥ से भिक्खू वा 2 जाव पविढे समाणे से जं पुण जाणिज्जा, अग्गपिंड उक्खिप्पमाणं पेहाए, अग्गपिंडं णिक्खिप्पमाणं पेहाए अग्गपिंडं हीरमाणं पेहाए, अग्गपिंडं परिभाइज्जमाणं पेहाए, अग्गपिंड परि जमाणं पेहाए, अग्गपिंडं परि?विजमाणं पेहाए,पुरा असिणाइ वा. अवहाराइ वा पुरा जत्थण्णे समणमाहणअतिहिकिवणवगोमगा खद्धं खद्धं उवसंकमंति, से हंता अहमवि खद्धं 2 उवसंकमामि, माइट्ठाणं संफासे णो एवं करिजा // 573 // से भिक्खू वा 2 जाव पविढे समाणे अंतरा से वप्पाणि वा, फलिहाणि वा, पागाराणि वा, तोरणाणि वा, अग्गलाणि वा,
