________________ 40 अंग-पविट्ट सुत्ताणि . वा // 562 // से भिक्खू वा 2 बहिया विहारभूमि वा वियारभूमि वा णिक्खममाणे वा पविसमाणे वा सव्वं भंडगमायाए बहिया विहारभूमि वा वियारभूमि वा णिक्खमिज वा पविसिज वा // 563 // से भिक्खू वा 2 गामाणुगामं दूइज्जमाणे सव्वं भंडगमायाए गामाणुगामं दूइज्जिज्जा // 564 // से भिक्खू वा 2 अह पुण एवं जाणिज्जा तिव्वदेसिय वा वास वासेमाणं पेहाए, तिव्वदेसियं महियं सणिचयमाणं पेहाए महावाएण वा रयं समुद्धयं पेहाए तिरिच्छसंपाइमा वा तसा पाणा संथडा सण्णिचयमाणा पेहाए, से एवं णचा णो सव्वं भंडगमायाए गाहावइकुलं पिंडवायपडियाए पविसिज्ज वा णिक्खमिज्ज वा बहिया विहारभूमि वा वियारभूमि वा पविसिज्ज वा णिक्खमिज़ वां गामाणुगाम दूइज्जिज्जा // 565 / / से भिक्खू वा 2 से जाई पुण कुलाई जाणिज्जा, तंजहा-खत्तियाण वा, राईण या, कुराईण वा, रायपेसियाण वा, रायवंसट्ठियाण वा अंतो वा बहिं वा गच्छंताण वा संणिविट्ठाण वा णिमंतेमाणाण वा अणिमंतेमाणाण वा असणं वा 4 लाभे संते णो पडिगाहिज्जा त्ति बेमि // 566 / / पढमं अज्झयणं तइओद्देसो समत्तो। से भिक्खू वा 2 जाव पविढे समाणे से जं पुण जाणिज्जा मंसाइयं वा मच्छाइयं वा मंसखलं वा मच्छखलं वा आहेणं वा पहेणं वा, हिंगोलं वा, संमेलं वा हीरमाणं संपेहाए अंतरा से मग्गा बहुपाणा, बहुबीया, बहुहरिया, बहुओसा, बहुउदया, बहुउत्तिंगपणगदगमट्टियमक्कडासंताणगा, बहवे तत्थ समणमाहणअतिहिकिवणवणीमगा उवागता उवागमिस्संति तत्थाइण्णावित्ती णो पण्णस्स णिक्खमणपवेसाए, णो पण्णस्स वायणपुच्छणपरियट्टणाणुपेहधम्माणुओगचिंताए, सेवं णचा तहप्पगारं पुरेसंखडिं वा पच्छासंखडिं वा संखडिं संखडिपडियाए णो अभिसंधारेज्जा गमणाए // 567 // से भिक्खू वा 2 गाहवइकुल पिंडवायपडियाए पविढे समाणे से जं पुण जाणेज्जा, मसाइयं वा जाव संमेलं वा हीरमाणं पेहाए, अंतरा से मग्गा अप्पंडा जाव संताणगा णो जत्थ बहवे समणमाहण जाव उवागमिस्संति, अप्पाइण्णावित्ती . पण्णस्स णिक्खमणपवेसाए पण्णस्स वायणपुच्छणपरियट्ठणाणुपेहधम्माणुओगचिंताए सेवं णचा तहप्पगारं पुरेसंखडि वा पच्छासंखडिं वा संखडि संखडिपडियाए अभिसंधारेज गमणाए // 568 // से भिक्खू वा 2 गाहावइकुलं जाव पविसिउकामे से जं पुण जाणेज्जा, खीरिणियाओ गावीओ खीरिजमाणीओ पेहाए असणं वा 4
