________________ आयारो सु. 2 अ. 1 उ. 3. 39 यएहिं वा, परिवाइयाहिं वा, एगज्ज सद्धिं सोंड पाउं भो ! वइमिस्सं हुरत्या वा, उवस्सयं पडिलेहेमाणे णो लभिज्जा, तमेव उवस्सयं संमिस्सिभावमावजिज्जा अण्णमण्णे वा से मते विपरियासियभूए इत्थिविग्गहे वा किलीवे वा तं भिक्खं उवसंकमित्तु बूया 'आउसंतो समणा ! अहे आरामंसि वा, अहे उवस्सयंसि वा, राओ वा, वियाले वा, गामधम्मणियंतियं कटु, रहस्सियंमेहुणधम्मपरियारणाए आउट्टामो' तं चेवेगइओ साइज्जिज्जा, अकरणिज्जं चेयं संखाए। एए आययणाणि संति संचिजमाणा पच्चवाया भवंति, तम्हा से संजए णियंठे तहप्पगारं पुरेसंखडिं वा पच्छासंखडिं वा, संखडिं संखडिसंपडियाए णो अभिसंधारिजा गमणाए // 557 / / से भिक्खू वा 2 अण्णयरिं संखडिं वा सोचा णिसम्म संपरिहावइ उस्सुयभूयेणं अप्पाणेणं 'धुवा संखडी' णो संचाएइ, तत्थ इयरेयरेहिं कुलेहिं सामुदाणियं एसियं वेसियं पिंडवायं पडिगाहित्ता आहारं आहारेत्तए, माइट्टाणं संफासे णो एवं करिज्जा, से तत्थ कालेण अणुपविसित्ता तत्थेयरेयरेहिं सामुदाणिय एसियं वेसिय पिंडवायं पडिवायं पडिगाहित्ता आहारं आहारिजा||५५८॥से भिक्खू वा 2 से जं पुण जाणेज्जा गाम वा जावरायहाणिं वा, इमंसि खलु गामंसि वा जाव रायहाणिंसि वा संखडि सिया तंपि य गाम वा जाव रायहाणिं वा संखडिं संखडिपडियाए णो अभिसंधारेजा गमणाए, केवली बूया आयाणमेयं / / 559 // आइण्णा अवमा णं संखडिं अणुपविस्समाणस्स पाएण वा पाए अकंतपुवे भवइ, हत्थेण वा हत्थे संचालियपुब्वे भवइ, पाएण वा पाए आवडियपुव्वे भवइ, सीसेण वा सीसे संघट्टियपुव्वे भवइ, कारण वा. काए संखोभियपुव्वे भवइ, दंडेण वा अट्ठीणा वा मुट्ठिणा वा लेलुणा वा कवालेण वा अभिहयपुव्वे भवइ, सीओदएण वा उसित्तपुब्वे भवइ, रयसा वा परिघासियपुव्वे भवइ, अणेसणिज्जेण वा परिभुत्तपुवे भवइ, अण्णेसिं वा दिज्जमाणे पडिगाहियपुव्वे भवइ, तम्हा से संजए णिग्गंथे तहप्पगारं आइण्णाऽवमा णं संखडिं संखडिपडियाए णो अभिस. धारिजा गमणाए // 560 // से भिक्खू वा 2 गाहावइकुलं पिंडवायपडियाए पविढे समाणे से जं पुण जाणेज्जा, असणं वा 4 एसणिज्जे सिया अणेसणिज्जे सिया 'वितिगिच्छसमावण्णेणं अप्पाणेणं असमाहडाए लेस्साए तहप्पगारं असणं वा 4 लाभे संते णो पडिगाहिज्जा // 561 // से भिक्खू वा 2 गाहावइकुलं पविसिउ कामे सव्वं भंडगमायाए गाहावइकुल पिंडवायपडियाए पविसिज वा णिक्खमिज्ज
