________________ 38 अंग-पविट्ठ सुत्ताणि दायव्वं, अह तत्थ भुंजमाणे पेहाए गाहावइभारियं वा, गाहावइभगिणिं वा, गाहावइपुत्तं वा, गाहावइधूयं वा, सुण्डं वा, धाइं वा, दासं वा, दासिं वा, कम्मकरं वा, कम्मकरिं वा, से पुवामेव आलोएज्जा, आउसि त्ति वा भगिणित्ति वा, दाहिसि मे इत्तो अण्णयरं भोयणजायं 1 से सेवं वयंतस्स परो असणं वा 4 आहटु दलएज्जा तहप्पगारं असणं वा 4 सयं वा पुण जाएज्जा, परो वा से देज्जा, फासुयं जाव पडिगाहिज्जा // 550 // से भिक्खू वा 2 परं अद्धजोयणमेराए संखडिं णचा संखडिपडियाए णो अभिसंधारेज्जा गमणाए // 551 // से भिक्खू वा 2 पाईणं संखडिं णच्चा पडीणं गच्छे अणाढायमाणे पडीणं संखडि णचा पाईणं गच्छे अणाढायमाणे दाहिणं संखडिं णचा उदीणं गच्छे अणाढायमाणे, उदीणं संखडिं णच्चा दाहिणं गच्छे अणाढायमाणे // 552 // जत्थेव सा संखडी सिया, तंजहा गामंसि वा, णगरंसि वा, खेडंसि वा, कव्वडंसि वा, मंडबंसि वा, पट्टगंसि वा, दोणमुहंसि वा, आगरंसि वा, णिगमंसि वा, आसमंसि वा, संणिवेसंसि वा, जाव रायहाणिंसि वा, संखडिं संखडिपडियाए णो अभिसंधारेजा गमणाए, केवली बूया 'आयाणमेयं' // 553 // संखडिं संखडिपडियाए अभिसंधारेमाणे आहाकम्मियं वा उद्देसियं, मीसजायं वा, कीयगडं वा, पामिच्चं वा, अच्छेज्जं वा, अणिसटुं वा, अभिहडं वा, आहट्ट दिज्जाणं अॅजिज्जा, असंजए भिक्खूपडियाए, खुड्डियदुवारियाओ महल्लियदुवारियाओ कुज्जा,. महल्लियदुवारियाओ खुड्डियदुवारियाओ कुज्जा, समाओ सिज्जाओ विसमाओ कुज्जा, विसमाओ सिज्जाओ समाओ कुज्जा, पवायाओ सिज्जाओ णिवायाओ कुज्जा, णिवायाओ सिज्जाओ पवायाओ कुज्जा, अंतो वा, बहिं वा उवस्सयस्स हरियाणिं छिंदिय 2 दालिय 2 संथारगं संथारिज्जा एस विलुंगयामो सिज्जाए अक्खाए तम्हा से संजए णियंठे अण्णयरं वा तहप्पगारं पुरे संखडि वा पच्छासंखडि वा संखडि संखडिपडियाए णो अभिसंधारिज्ज गमणाए // 554 // एयं खलु तस्स भिक्खुस्स भिक्खुणीए वा सामग्गियं जं सवढेहिं समिए सहिए सयाजए त्ति बेमि // 555 // बीओद्देसो समत्तो / से एगइओ अण्णयरं संखडिं आसित्ता पिवित्ता छड्डेज वा वमेज वा, भुत्ते वा से णो सम्मं परिणमिज्जा अण्णयरे वा से दुक्खे रोयातंके समुपंज्जिज्जा, केवली बूया आयाणमेयं ||556 // इह खलु भिक्खू गाहावइहिं वा, गाहावइणीहिं वा, परिवा
