________________ आयारो सु. 2 अ. 1 उ. 1, 2, 3 37 भत्ताए वा णो पाणाए वा पविसिज्ज वा णिक्खमिज्ज वा // 544 // एयं खलु तस्स भिक्खुस्स वा भिक्खुणीए वा सामग्गियं जं सव्वटेहिं समिए सहिए सयाजए त्ति बेमि // 545 // पढमं अज्झयणं पढमोइसो समत्तो // से भिक्खू वा भिक्खुणी वा गाहावइकुलं पिंडवायपडियाए अणुपविढे समाणे से जं पुण जाणेज्जा, असणं वा 4 अट्ठमिपोसहिएसु वा, अद्धमासिएसु वा, मासिएसु वा, दोमासिएसुवा,तिमासिएसु वा; चाउमासिएसुवा पंचमासिएसु वा, छमासिए सु वा उऊसु वा, उऊसंधीसुवा, उउपरियट्टेसु वा, बहवे समणमाहणअतिहिकिवणवणीमगे एगाओ उक्खाओ परिएसिज्जमाणे पेहाए, दोहिं उक्खाहिं परिएसिज्जमाणे पेहाए, तिहिं उक्खाहिं परिए सिज्जमाणे पेहाए, चउहिँ उक्खाहिं परिएसिज्जमाणे पेहाए, कुंभीमुहाओ वा कलोवाइओ वा, संणिहिसंणिचयाओ वा परिए सिज्जमाणे पेहाए तहप्पगारं असणं वा 4 अपुरिसंतरकडं जाव अणासेवियं अफासुयं अणेसणिज्जं णो पडिगाहिज्जा // 546 // अह पुण एवं जाणिज्जा पुरिसंतरकडं जाव आसेवियं फासुयं जाव पडिगाहिजा // 547 // से भिक्खू वा 2 जाव पविढे समाणे से जाई पुण कुलाई जाणिज्जा; तंजहा-उग्गकुलाणि वा, भोगकुलाणि वा, राइण्णकुलाणि वा, खत्तियकुलाणि वा, इक्खागकुलाणि वा, हरिवंसकुलाणि वा, एसियकुलाणि वा, वेसियकुलाणि वा, गंडागकुलाणि वा, कोट्टागकुलाणि वा, गामरक्खकुलाणि वा, वोकसालियकुलाणि वा, अण्णयरेसु वा तहप्पगारेसु कुलेसु अदुगुछिएसु अगरहिएसु वा, असणं वा 4 फासुयं एसणिज जाव पडिगाहिज्जा // 548 // से भिक्खू वा 2 गाहवइकुलं पिंडवायपडियाए अणुपविढे समाणे से जं पुण जाणेज्जा असणं वा 4 समवाएसु वा; पिंडणियरेसु वा, इंदमहेसु वा, खंदमहेसु वा, रुद्दमहेसु वा, मुगुंदमहेसु वा, भूयमहेसु वा, जक्खमहेसु वा, णागमहेसु वा, थूभमहेसु वा, चेइय महेसुवा,रुक्खमहेसु वा, गिरिमहेसु वा, दरिमहेसु वा, अगडमहेसु वा, तडागमहेसु वा, दहमहेसु वा, णईमहेसु वा, सरमहेसु वा, सागरमहेसु वा, आगरमहेसु वा, अण्णयरेसु वा, तहप्पगारेसु विरूवरूवेसु महामहेसु वट्टमाणेसु, बहवे समणमाहण-अतिहि-किवण-वणीमए एगाओ उक्खाओ परिएसिज्जमाणे पेहाए, दोहिं जाव संणिहिसंणिचयाओ वा परिएसिज्जमाणे पेहाए तहप्पगारं असणं वा 4 अपुरिसंतरकडं जाव णो पडिगाहिज्जा / / 549 // अह पुण एवं जाणिज्जा, दिण्णं जं तेसिं
