________________ 528 अंग-पविट्ठ सुत्ताणि मासु मिच्छा ते एवमाहंसु, अहं पुण गोयमा ! एवमाइक्खामि जाव पल्वेमि अत्थेगइया पाणा भया जीवा सत्ता एवंभूयं वेयणं वेदेति अत्थेगइया पाणा भया जीया सत्ता अणेवं भयं वेयणं वेदेति / से केणठेणं अत्थेगइया ? तं चेक उच्चारेयव्वं, गोयमा ! जे गं पाणा भया जीवा सता जहा कडा कम्मा तहा वेयणं वेति ते णं पाणा भया जीवा सत्ता एवं भयं वेयणं वेदेति, जे णं पाणा भूया जीवा सत्ता जहा कडा कम्मा णो तहा वेयणं वेदेति ते णं पाणा भूया जीवा सत्ता अणेवं भयं वेयणं वेदेति, से तेणठेणं तहेव / रइया णं भंते ! कि एवंभूयं वेयणं वेदेति अणेवंभूयं वेयगं वेदेति ? गोयमा ! रइया णं एवं. भयंपि वेयणं वेदेति अणेवं भयंपि वेयणं वेदेति / से केणठेणं तं चेव ? गोयमा ! जे णं णेरइया जहा कडा कम्मा तहा वेयणं वेदेति ते णं णेरइया एवं भयं वेयणं वेदेति जेणं णेरइया जहा कडा कम्मा णो तहा वेयणं वेदेति ते णं जेर. इया अणेवंभूयं देवणं वेदेति, से तेणठेणं, एवं जाव वेमाणिया / संसारमंडलं णेयव्वं // 201 // जंबुद्दीवे णं भंते ! इह भारहे वासे इमीसे ओस० कइ कुलगरा होत्था ? गोयमा! सत्त एवं तित्थयरा तित्थयरमायरोपियरो पढमा सिस्सिणीओ चक्कवट्टीमायरो पियरो इत्थिरयणं बलदेवा वासुदेवा वासुदेवमायरो पियरो, एएसि पडिसत्सू जहा समवाए णामपरिवाडीए तहा णेयव्वा / सेवं भंते ! 2 ति जाव विहरइ // 202 // पंचमं सयं छट्ठो उद्देसो कहाणं भंते ! जीवा अप्पाउयत्ताए कम्मं पकरेंति ? गोयमा ! तिहि ठाणेहि, तंजहा-पाणे अइवाएत्ता मुसं वइत्ता तहारूवं समणं वा माहणं वा अफासुएणं अणेसणिज्जे णं असणपाणखाइमसाइमेणं पडिलाभेत्ता, एवं खलु जीवा अप्पाउयत्ताए कम्मं पकरेति / कहणं भंते ! जीवा दीहाउयत्ताए कम्म पक. रेंति ? गोयमा ! तिहि ठाणेहि-णो पाणे अइवाइत्ता णो मुसं वइत्ता तहा. रूवं समणं वा माहणं वा फासुएसणिज्जेणं असणपाणखाइमसाइमेणं पडि. लाभेता एवं खलु जीवा दीहाउयत्ताए कम्मं पकरेंति / कहण्णं भंते ! जीवा असुभदीहाउयत्ताए कम्मं पकरेंति ? गोयमा ! पाणे अइवाइत्ता मुसं वइत्ता
