________________ अंग 484 अंग-पविट्ठ सुत्ताणि तेणं कालेणं 2 इहेव जंबुद्दीवे 2 भारहे वासे तामलिती णाम णयरी होत्या, वण्णओ / तत्थ णं तामलित्तीए णयरीए तामली णामं मोरियपुत्ते गाहावई होत्था, अड्ढे दित्ते जाव बहुजणस्स अपरिभए यावि होत्था / तए णं तस्स मोरियपुत्तस्स तामलितस्स गाहावइस्स अण्णया कयाइ पुव्वरत्तावरत्त. कालसमयंसि कुटुंबजागरियं जागरमाणस्स इमेयारूवे अज्झथिए जाव समु. प्पज्जित्था-अस्थि ता मे पुरा पोराणाणं सुचिण्णाणं सुपरिकताणं सुभाणं कल्लाणाणं कडाणं कम्माणं कल्लाणफलवितिबिसेसो जेणाहं हिरणेणं वड़ामि सुवणेणं वडामि धणेणं वडामि धण्णेणं वड्डामि पुर्तेहि वडामि पसूहि दड्डामि विउलधणकणग-रयण-मणिमोत्तिय-संबसिलप्पवालरत्तरयणरांतसारसावएज्जेणं अईव 2 अभिवढामि, तं किण्णं अहं पुरा पोराणाणं सुचिण्णाणं जाव कडाणं कम्माणं एगंतसोक्खयं उवेहेमाणे विहरामि? तं जाव ताव अहं हिरण्णेणं वड्डामि जाद अईव 2 अभिवढामि जावं च णं मे मित्तणाइणियगसंबंधिपरियणो आढाइ परियाणाइ सबकारेइ सम्माणेइ कल्लाणं मंगलं देवयं चेइयं विणएणं पज्जुदासइ तावता मे सेयं कल्लं पाउप्पभायाए रयणीए जाव जलते सयमेव दारु. मयं पडिग्गहयं करेत्ता विउलं असणं पाणं खाइमं साइमं उवक्खडावेत्ता मित्तणाइणियगसयणसंबंधिपरियणं आमंतेत्ता तं मित्तणाइणियगसंबंधिपरियणं विउलेणं असणपाणखाइमसाइमेणं वत्थगंधमल्लालंकारेण य सक्कारेता सम्मा. णेत्ता तस्सेव मित्तणाइणियगसंबंधिपरियणस्स पुरओ जेट्टपुत्तं कुटंबे ठावेत्ता तं भित्तणाइणियगसंबंधिपरियणं जेट्टपुत्तं च आपुच्छिता सयमेव दारुमयं पडिग्गहं गहाय मुंडे भवित्ता पाणामाए पव्वज्जाए पव्वइत्तए, पव्वइएऽवि य णं समाणे इमं एयारूवं अभिग्गहं अभिगिहिस्सामि-कप्पइ मे जावज्जीवाए छठं. छट्टेणं अणिक्खित्तेणं तवोकम्मेणं उड्ढ़बाहाओ पगिज्झिय 2 सूराभिमहस्स आयावणभूमीए आयावेमाणस्स विहरित्तए, छठुस्सवि य णं पारणयंसि आयावणभूमीओ पच्चोरुभित्ता सयमेव दारुमयं पडिग्गहयं गहाय तामलित्तीए णय. रीए उच्चणीयमज्झिमाइं कुलाई घरसमुदाणस्स भिक्खायरियाए अडित्ता सुद्धोयणं पडिग्गाहेत्ता तं तिसत्तक्खुत्तो उदएणं पक्खालेत्ता तओ पच्छा आहारं आहारित्तएत्तिकटु एवं संपेहेइ 2 कल्लं पाउप्पभायाए जाव जलते सयमेव दारुमयं पडिग्गहयं करेइ 2 विउलं असणं पाणं खाइमं साइमं उववख
