________________ भगवई स. 3 उ. 1 483 एवं सामाणियतायत्तीसलोगपालअग्गमहिसीणं असंखेज्जे दीवसमुद्दे सव्वे विउ. वंति, सणंकुमाराओ आरद्धा उवरिल्ला लोगपाला सव्वेवि असंखेज्जे दीवसमुद्दे. विउव्वंति / एवं माहिदेवि, णवरं साइरेगे चत्तारि केवलकप्पे जंबुद्दीवे 2, एवं बंभलोएवि, गवरं अट्ठ केवलकप्पे, एवं लंतएवि, णवरं साइरेगे अट्ठ केवलकप्पे, महासुवके सोलस केवलकप्पे, सहस्सारे साइरेगे सोलस, एवं पाणएवि, गवरं बत्तीसं केवल०, एवं अच्चुएवि णवरं साइरेगे बत्तीसं केवलकप्पे जंबुद्दीवे 2 अण्णं तं चेव / सेवं भंते ! 2 त्ति तच्चे गोयमे वायुभई अणगारे समणं भगवं महावीरं वंदइ णमंसइ जाव विहरइ / तए णं समणे भगवं महावीरे अण्णया कयाइ मोयाओ गयरीओ गंदणाओ चेइयाओ पडिणिक्खमइ 2 बहिया जणवयविहारं विहरइ // 132 // तेणं कालेणं तेणं० रायगिहे णामं णवरे होत्था, घण्णओ, जाव परिसा पज्जवासइ। तेणं कालेणं 2 ईसाणे देविदे देवराया सूलपाणी वसहवाहणे उत्तरट्टलोगाहिवई अट्ठावीसविमाणावाससयसहस्साहिवई भरयंवरवत्थधरे आलइयमालमउडे णवहेमचारचित्तचंचलकुंडलविलिहिज्ज. माणगंडे जाव दस दिसाओ उज्नोवेमाणे पभासेमाणे ईसाणे कप्पे ईसाणडिसए विमाणे जहेव रायप्पसे गइज्मे जाब दिवं देविड जाव जामेव दिसि पाउडमए तामेव दिसि पडिगए / भंतेत्ति ! भगवं गोयमे समणं भगवं महावीरं वंदइ णमंसइ 2 एवं वयासी-अहो णं भंते ! ईसाणे देविदे देवराया महिडिए ईसाणस्स णं भंते ! सा दिव्वा देविड्ढी कहिं गया कहिं अणुपविट्ठा ? गोयमा ! सरीरं गया 2 / से केणठेणं भंते ! एवं बच्चई सरीरं गया ? 2, गोयमा! से जहाणामए-कूडागारसाला सिया दुहओ लिता गुत्ता गुत्तदुवारा णिवाया णिवायगंभीरा तीसे णं कूडागारसालाए जाव कूडागारसालादिठेतो भाणियव्यो। ईसाणेणं भंते ! देविदेणं देवरण्णा सा दिव्वा देविड्ढी दिव्वा देवज्जुई. दिव्वे देवाणुभागे किण्णा लद्धे किण्णा पत्ते किण्णा अभिसमण्णागए ? के वा एस आसि पुष्वभवे किंणामए वा किंगोत्ते वा कयरंसि वा गामंसि वा णवरंसि वा जाव संणिवेसंसि वा किं वा सुच्चा कि वा दच्चा किं वा भोच्चा किं वा किच्चा किवा समायरित्ता कस्स वा तहारूवस्स समणस्स वा माहणस्स वा अंतिए एगमवि आयरियं धम्मियं सुवयणं सोचा णिसम्म ? जणं ईसाणेणं देविदेणं देवरण्णा सा दिव्वा देविड्ढी जाव अभिसमण्णागया ? एवं खलु गोयमा /
