________________ भगवई स. 3 उ. 1 485 हावेइ. 2 तओ पच्छा व्हाए कयवलिकम्मे कयकोउय मंगल-पायच्छित्ते सुद्धप्पावेसाई मंगल्लाई वत्थाई पवरपरिहिए अप्पमहग्घाभरणालंकियसरीरे भोयण. धेलाए भोयणमंडवंसि सुहासणवरगए तए णं मित्तणाइणियगसयणसंबंधिपरिजणेणं सद्धि तं विउलं असणं पाणं खाइमं साइमं आसाएमाणे वीसाएमाणे परि. भाएमाणे परि जमाणे विहरइ / जिमियमुत्तुत्तरागएऽवि य गं समाणे आयंते चोक्खे परमसुइन्भूए तं मित्तं जाव परियणं विउलेणं असणपाण ४-पुष्फवत्थगंध. मल्लालंकारेण य सक्कारेइ 2 तस्सेव मितणाइ जाव परियणस्स पुरओ जेट्ट पुत्तं कुटुंबे ठावेइ 2 ता तं मित्त-णाइ-णियग-सयण-संबंधि-परियणं जेट्टपुत्तं च आपुन्छइ 2 मुंडे भवित्ता पाणामाए पन्वज्जाए पव्वइए, पव्वइएवि य णं समाणे इमं एयारूवं अभिग्गहं अभिगिण्हइ-कप्पइ मे जावज्जीवाए छठंछठेणं जाव आहारित्तएत्तिकटु इमं एयारूवं अभिग्गहं अभिगिण्हइ 2 ता जावज्जी. वाए छठेछठेणं अणिक्खित्तेणं तवोकम्मेणं उड्ढं बाहाओ पगिज्झिय 2 सूराभिमुहे आयावणभूमीए आयावेमाणे विहरइ, छठुस्सवि य गं पारणयंसि आयावणभूमीओ पच्चोरुहइ 2 सयमेव दारुमयं पडिग्गहं गहाय तामलितीए णयरीए उच्चणीयमज्झिमाई 'कुलाई घरसमुदाणस्स भिक्खायरिया अडइ 2 सुद्धोधणं पडिग्गाहेइ 2 तिसतक्खुत्तो उदएणं पक्खालेइ, तओ पच्छा आहार आहारेइ / से केण?णं भंते ! एवं वच्चइ-पाणामा पव्वज्जा ? गोयमा ! पाणामाए णं पव्वज्जाए पव्वइए समाणे जं जत्थ पासइ इंदं वा खंदं वा रुदं वा शिवं वा वेसमणं वा अज्जं वा कोकिरियं वा रायं वा जाव सत्यवाहं वा काकं वा साणं वा पाणं वा उच्चं पासइ उच्चं पणामं करेइ णीयं पासइ णीयं पणामं करेइ, जं जहा पासइ तस्स तहा पणामं करेइ, से तेणठेणं गोयमा ! एवं वुच्चइ-पाणामा पव्वज्जा // 133 // तए णं से तामली मोरियपुत्ते तेणे ओरालेणं विउलेणं पयतेणं पग्गहिएणं बालतवोकम्मेणं सुक्के भुक्खे जाव धमणिसंतए जाए यावि होत्या, तए णं तस्स तामलिस्स बालतवस्सिस्स अण्णया कयाइ पुज्वरत्तावरत्तकालसमयंसि अणिच्चजागरिय जागरमाणस्स इमेयारूवे अज्झत्थिर चितिए जाव समुप्पज्जित्था-एवं खलु अहं इमेणं ओरा. लेणं विउलेणं जाव उदग्गेणं उदत्तेणं उत्तमेणं महाणु मागेणं तवोकम्मेणं सुक्के भुक्खे जाव धमणिसंतए जाए, तं अत्थि जा मे उट्ठाणे कम्मे बले वीरिए पुरिस
