Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 476

भगवई स. 2 उ. 1 463 पयत्तेणं पग्गहिएणं कल्लाणेणं सिवेणं धण्णेणं मंगल्लेणं सस्सिरीएणं उदग्गेणं उदत्तेणं उत्तमेणं उदारेणं महाणुभागेणं तवोकम्मेणं सुक्के लुक्खे णिम्मंसे अट्ठिचम्मावणद्धे किडिकिडियाभूए किसे धमणिसंतए जाए यावि होत्था, जीवंजीवेण गच्छइ जीवंजीवेण चिट्ठइ भासं भामित्तावि गिलाइ भासं भासमाणे गिलाइ भासं भासिस्सामीइ गिलायइ, से जहा णामए-कट्ठसगडिया इ वा पत्तसगडिया इ वा पत्ततिलभंडगसगडिया इ वा एरंडकट्ठसगडिया इ वा इंगालसगडिया इ वा उण्हे दिण्णा सुक्का समाणी ससई गच्छइ ससई चिट्ठइ एवामेव खंदएवि अणगारे ससई गच्छइ ससदं चिट्ठइ उवचिए तवेणं अवचिए मंससोणिएणं हुयासणेविव भासरासिपडिच्छण्णे तवेणं तेएणं तवतेयसिरीए अईव 2 उवसोभेमाणे 2 चिट्ठइ // 62 // तेणं कालेणं 2 रायगिहे णयरे जाव समोसरणं जाव परिसा पडिगया / तए गं तस्स खंदयस्स अण० अण्णया कयाइ पुत्वरत्तावरत्तकालसमयंसि धम्मजागरियं जागरमाणस्स इमेयारूवे अज्झथिए चितिए जाव समुप्पणिजस्था-एवं खलु अहं इमेणं एयारवेणं ओरालेणं जाव किसे धमणिसंतए जाए जीवंजीवेणं गच्छामि जीवंजीवेणं चिट्ठामि जाव गिलामि माव एवामेव अहंपि ससई गच्छामि ससई चिट्ठामि तं अस्थि ता मे उट्ठाणे कम्मे बले वीरिए. पुरिसक्कारपरक्कमे तं जाव ता मे अत्थि उट्ठाणे कम्मे बले वीरिए पुरिसक्कारपरक्कमे जाव य मे धम्मायरिए धम्मोवएसए समणे भगवं महावीरे जिणे सुहत्थी विहरइ ताव ता मे सेयं कल्लं पाउप्पभायाए रयणीए फुल्लुप्पलकमलकोमलुम्मिल्लियंमि अहापंडुरे पभाए रत्तासोयप्पकाकिंसुयसुयमुहगुंजद्धरागसरिसे कमलागरसंडबोहए उट्ठियंमि सूरे सहस्सरस्सिमि दिणयरे तेयसा जलंते समणं भगवं महावीरं वंदित्ता जाव पज्जुवासित्ता समणेणं भगवया महावीरेणं अन्भणुण्णाए समाणे सयमेव पंच महत्वयाणि आरोवेत्ता समणा य समणीओ य खामेत्ता तहारूवेहि थेरेहि कडाईहिं सद्धि विपुलं पव्वयं सणियं 2 दुरूहिता मेहघणसण्णिगासं देवसण्णिवायं पुढवीसिलावट्टयं पडिलेहित्ता दम्भसंथारयं संथरित्ता दब्भसंथारोवगयस्स संलेहणाझूसणाझंसियस्स भत्तपाण• 'पडियाइक्खियस्स पाओवगयस्स कालं अणवकंखमाणस्स विहरित्तए त्ति कटु एवं संपेहेइ 2 ता कल्लं पाउप्पभायाए रयणीए जाव जलते जेणेव समणे भग० जाव पज्जुवासइ / खंदयाइ ! समणे भगवं महावीरे खंदयं अणगारं एवं वयासी