________________ 462 अंग-पविट्ठ सुत्ताणि से खंदए अणगारे मासियं भिक्खुपडिमं अहासुत्तं अहाकप्पं अहामग्गं अहातच्चं अहासम्मं काएण फासेइ पालेइ सोभेइ तीरेइ पूरेइ किट्टेइ अणुपालेइ आणाए आराहेइ संमं काएण फासित्ता जाव आराहेत्ता जेणेव समणे भगवं महावीरे तेणेव उवागच्छइ 2 समणं भगवं जाव णमंसित्ता एवं वयासी-इच्छामि णं भंते ! तुहि अब्भणण्णाए समाणे दोमासियं भिक्खपडिमं उवसंपज्जित्ता णं विहरित्तए, अहासुहं देवाणुप्पिया ! मा पडिबंध, तं चेव / एवं तेमासियं चाउम्मासियं पंचछसत्तमा०, पढमं सत्तराईदियं दोच्चं सत्तराइंदियं तच्चं सत्तराइंदियं अहोराइंदियं एगरा० / तए णं से खंदए अणगारे एगराइंदियं भिक्खु. पडिमं अहासुत्तं जाव आराहेत्ता जेणेव समणे० तेणेव उवागच्छइ 2 समणं भगवं म० जाव णमंसित्ता एवं वयासी-इच्छामि णं भंते ! तुहिं अब्भणुण्णाए समाणे गुणरयणसंवच्छरं तवोकम्म उवसंपज्जित्ता णं विहरितए / अहासुहं देवाणुप्पिया ! मा पडिबंधं / तए णं से खंदए अणगारे समणेणं भगवया महावीरेणं अब्भणुण्णाए समाणे जाव णमंसित्ता गुणरयणसंवच्छरं तवोकम्म उवसंपज्जित्ता णं विहरइ, तं०-पढमं मासं चउत्थंचउत्थेणं अणिक्खित्तेणं तवो. कम्मेणं दिया ठाणुक्कुडुए सूराभिमुहे आयावणभूमीए आयावेमाणे त्ति वीरासणेणं अवाउडेण य / एवं दोच्चं मासं छठंछठेणं अणिक्खित्तेणं तवोकम्मेणं दिया ठाणुक्कुडुए सूराभिमुहे आयावणभूमीए आयावेमाणे रत्ति वीरासणेणं अवाउडेण य, एवं तच्चं मासं अट्ठमंअट्टमेणं चउत्थं मासं दसमंदसमेणं पंचमं मासं बारसमंबारसमेणं छठें मासं चउद्दसमंचउद्दसमेणं सत्तमं मासं सोलसमं 2 अट्ठमं मासं अट्ठारसमं 2 णवमं मासं वीसइमं 2 दसमं मासं बावीसं 2 एक्कारसमं मासं चउव्वीसइमं 2 बारसमं मासंछब्बीसइमं 2 तेरसमं मासं अट्ठावीसइमं 2 चउद्दसमं मासं तीसइमं 2 पण्णरसमं मासं बत्तीसइमं 2 सोलसमं मासं चोत्तीसइमं 2 अणिक्खित्तेगं तवोकम्मेणं दिया ठाणुक्कुडुए सूराभिमुहे आयावणभूमीए आयावेमाणे रति वीरासणेणं अवाउडेणं / तए णं से खंदए अणगारे गुणरयणसंवच्छरं तवोकम्मं अहासुत्तं अहाकप्पं जाव आराहेत्ता जेणेव समणे भगवं महावीरे तेणेव उवागच्छइ 2 समणं भगवं महावीरं वंदइ णमंसइ 2 बहूहि चउत्थछट्टट्ठमदसमदुवालसेहिं मासद्धमासखमणेहि विचित्तेहिं तवोकम्मेहि अप्पाणं भावेमाणे विहरेइ। तए णं से खंदए अणगारे तेणं ओरालेणं विउलेणं
