________________ भगवई स. 2 उ. 1 457 उवागच्छइ 2 ता तिदंडं च कुंडियं च कंचणियं च करोडियं च भिसियं च केसरियं च छण्णालयं च अंकुसयं च पवित्तयं च गणेत्तियं च छत्तयं च वाहणाओ य पाउयाओ य धाउरत्ताओ य गेण्हइ गेण्हइत्ता परिव्वायावसहाओ पडिणि. क्खमइ पडिणिक्खमइत्ता तिवंडकुंडियकंचणियकरोडियभिसियकेसरियछण्णालयअंकुसयपवित्तयगणेत्तियहत्थगए छत्तोवाहणसंजुत्ते धाउरत्तवत्थपरिहिए सावत्थीए णयरीए मज्झंमज्झणं णिग्गच्छइ णिग्गच्छइत्ता जेणेव कयंगला णयरी जेणेव छत्तपलासए चेइए जेणेव समणे भगवं महावीरे तेणेव पहारेत्थ गमणाए / गोय. माइ ! समणे भगवं महावीरे भगवं गोयम एवं वयासी-दच्छिसि णं गोयमा ! पुष्वसंगइयं / कहं भंते ! खंदयं णाम, से काहं वा किहं वा केवच्चिरेण वा? एवं खलु गोयमा ! तेणं कालेणं 2 सावत्थीणामं णयरी होत्था वण्णओ, तत्थ गं सावत्थीए णयरीए गहभालिस्स अंतेवासी खंदए णामं कच्चायणस्सगोत्ते परिष्वायए परिवसइ तं चेव जाव जेणेव ममं अंतिए तेणेव पहारेत्थ गमणाए, से तं अदूरागए बहुसंपत्ते अद्धाणपडिवण्णे अंतरापहे वट्टइ। अज्जेवणं वच्छिसि गोयमा ! भंतेत्ति ! भगवं गोयमे समणं भगवं महावीरं वंदइ णमंसइ 2 एवं वयासी-पहू णं भंते ! खंदए कच्चायणस्सगोत्ते देवाणुप्पियाणं अंतिए मुंडे भवित्ता अगाराओ अणगारियं पव्वइत्तए ? हंता पभू / जावं च णं समणे भगवं महावीरे भगवओ गोयमस्स एयमद्रं परिकहेइ तावं च णं से लंदए कच्चायणस्सगोत्ते तं देसं हवमागए / तए णं भगवं गोयमे खंदयं कच्चायनस्सगोत्तं अदूरआगयं जाणित्ता खिप्पामेव अब्भुढेइ 2 खिप्पामेव पच्चुवगच्छइ 2 जेणेव खंदए कच्चायणस्सगोते तेणेव उवागच्छइ 2 त्ता खंदयं कच्चायणस्सगोत्तं एवं वयासी-हे खंदया ! सागयं खंदया ! सुसागयं खंदया! अणुरागयं खंदया ! सागयमणुरागयं खंदया ! से गूणं तुमं खंदया! सावत्थीए गयरीए पिंगलएणं णियंठेणं वेसालियसावएणं इणमक्खेवं पुच्छिए-मागहा ! कि सते लोए अणंते लोए? एवं तं चेव जाव जेणेव इहं तेणेव हव्वमागए / से गूणं खंदया ! अठे समठे ? हंता अस्थि / तए णं से खंदए कच्चा० भगवं गोयम एवं वयासो-से केस णं गोयमा ! तहारूवे पाणी वा तवस्सी वा जेणं तव एस अट्ठे मम ताव रहस्सकडे हव्वमक्खाए ? जओ णं तुम जाणसि ? तए णं से भगवं गोयमे खंदयं कच्चायणस्सगोतं एवं वयासी-एवं खलु
