________________ 456 अगं-पविटु सुत्ताणि विसारए संखाणे सिक्खाकप्पे वागरणे छंदे णिरुत्ते जोइसामयणे अण्णेसु य बहुसु बंभण्णएसु परिव्वायएसु य णयेसु सुपरिणिट्ठिए यावि होत्था / तत्थ गं सावत्थीए णयरीए पिंगलए णामं णियंठे वेसालियसावए परिवसइ / तए णं से पिंगलए णामं णियंठे वेसालियसावए अण्णया कयाइं जेणेव खंदए कच्चायणस्सगोत्ते तेणेव उवागच्छइ 2 खंदगं कच्चायणस्सगोत्तं इणमक्खवं पुच्छे-मागहा! कि सअंते लोए अणंते लोए 1 सअंते जीवे अणंते जीवे 2 सअंता सिद्धी अणंता सिद्धी 3 सअंते सिद्धे अणंते सिद्धे 4 केण वा मरणेणं मरमाणे जीवे वड्डइ वा हायइ वा 5 ? एतावं ताव आयक्खाहि वुच्चमाणे एवं / तए णं से खंदए कच्चा० गोत्ते पिंगलएणं णियंठेणं वेसालीसावएणं इणमक्खेवं पुच्छिए समाणे संकिए कंखिए विइगिच्छिए भेदसमावण्णे कलुससमावण्णे णो संचाएइ पिंगलयस्स णियंठस्स वेसालियसावयस्स किंचिवि पमोक्खमक्खाइउं, तुसिणीए संचिट्ठइ, तए णं से पिंगले णियंठे वेसालीसावए खंदयं कच्चायणस्सगोत्तं दोच्चंपि तच्चंपि इणमक्खेवं पुच्छे-मागहा ! कि सअंते लोए जाव केण वा मरणणं मरमाणे जीवे वड्डइ वा हायइ वा ? एतावं ताव आइक्खाहि वुच्चमाणे एवं, तए णं से खंदए कच्चा० गोत्ते पिंगलएणं णियंठेणं वेसालीसावएणं दोच्चंपि तच्चंपि इणमक्खेवं पुच्छिए समाणे संकिए कंखिए विइ. गिच्छए भेदसमावण्णे कलुसमावण्णे णो संचाएइ पिंगलयस्स णियंठस्स वेसालिसावयस्स किंचिवि पमोक्खमक्खाउं तुसिणीए संचिट्ठइ / तए णं सावत्थीए गयरीए सिंघाडग जाव महापहेसु महया जणसंमद्दे इ वा जणवूहे इ वा परिसा णिग्गच्छइ / तए णं तस्स खंदयस्स कच्चायणस्सगोत्तस्स बहुजणस्स अंतिए एयमद्रं सोच्चा णिसम्म इमेयारूवे अन्भत्थिए चितिए पथिए मणोगए संकप्पे समुप्पज्जित्था-एवं खलु समणे भगवं महावीरे कयंगलाए णयरीए बहियाछत्तपलासए चेइए संजमेणं तवसा अप्पाणं भावमाणे विहरइ, तं गच्छामि णं समणं भगवं महावीरं वदामि णमंसामि / सेयं खलु . मे समणं भगवं महावीरं वंदित्ता णमंसित्ता सक्कारेत्ता सम्माणित्ता कल्लाणं मंगलं देवयं चेइयं पज्जुवासित्ता इमाइं च णं एयारूवाइं अट्ठाई हेऊइं पसिणाई कारणाइं पुच्छित्तएत्ति कट्ट एवं संपेहेइ 2 जेणेव परिवायावसहे तेणेव
