________________ 458 अंग-पविटु सुत्ताणि खंदया ! मम धम्मायरिए धम्मोवएसए समणे भगदं महावीरे उप्पण्णणाणदसणधरे अरहा जिणे केवली तीयपच्चुप्पण्णमणागयवियाणए सवण्णू सव्वदरिसी जेणं ममं एस अट्ठे तव ताव रहस्सकडे हव्वमक्खाए जओ णं अहं जाणामि खंदया ! तए णं से खंदए कच्चायणस्सगोत्ते भगवं गोयम एवं वयासी-गच्छामो णं गोयमा ! तव धम्मायरियं धम्मोवएसयं समणं भगवं महावीरं वंदामो णमंसामो जाव पज्जुवासामो / अहासुहं देवाणुप्पिया ! मा पडिबंधं / तए णं से भगवं गोयमे खंदएणं कच्चायणस्सगोत्तणं सद्धि जेणेव समणे भगवं महावीरे तेणेव पहारेत्न गमणाए / तेणं कालेणं 2 समणे भगवं महावीरे वियट्टभोई यावि होत्था / तए णं समणस्स भगवओ महावीरस्स वियट्टभोइस्स सरीरयं ओरालं सिंगारं कल्लाणं सिवं धण्णं मंगल्लं सस्सिरीयं अणलंकियविभूसियं लक्खणवंजणगुणोववेयं सिरीए. अईव 2 उवसोभेमाणे चिट्टइ / तए णं से खंदए कच्चायणस्सगोत्ते समणस्स भगवओ महावीरस्स वियट्ट भोइस्स सरीरयं ओरालं जाव अईव 2 उवसोभेमाणं पासइ 2 ता हट्ठतुट्ठचित्तमाणंदिए पीइमणे परमसोमणस्सिए हरिसवसविसप्पमाणहियए जेणेव समणे भगवं महावीरे तेणेव उवागच्छइ 2 ता समणं भगवं महावीरं तिक्खुत्तो आयाहिणप्पयाहिणं करेइ जाव पज्जुवासइ / खंदयाइ ! समणे भगवं महावीरे खंदयं कच्चाय० एवं वयासी-से णणं तुमं खंदया ! सावत्थीए णयरीए पिंगल. एणं णियंठेगं वेसालियसावएणं इणमक्खेवं पुच्छिए मागहा ! कि सअंते लोए अणंते लोए एवं तं चेव जाव जेणेव मम अंतिए तेणेव हत्वमागए, से गूणं खंदया ! अयमठे समठे ? हंता अस्थि, जेविय ते खंदया! अयमेयारूवे अज्झ. थिए चितिए पस्थिए मणोगए संकप्पे समुप्पज्जित्था-किं सअंते लोए अणंते लोए ? तस्सवि य णं अयमठे-एवं खलु मए खंदया ! चउविहे लोए पण्णत्ते, तंजहा-दव्वओ खेत्तओ कालओ भावओ। दवओ णं एगे लोए सअंते 1, खेत्तओ गं लोए असंखेज्जाओ जोयणकोडाकोडीओ आयामविक्खंभेणं असंखेज्जाओ जोयणकोडाकोडीओ परिवखवेणं प० अस्थि पुण सअंते 2, कालओ णं लोए ण कयाइ ण आसी ण कयाइ ण भवइ ण कयाइ ण भविस्सइ भविसु य भवइ य भविस्सइ य धुवे णिइए सासए अवखए अव्वए अवट्टिए णिच्चे, गस्थि पुण से अंते 3, भावओ णं लोए अणंता वष्णपज्जवा गंध० रस० फासपज्जवा अणंता
