________________ भगवई स. 1 उ. 9 449 यणं पुवि विहरित्ता अह पन्छा संवुडे कालं करेइ तओ पच्छा सिज्झइ 3 जाव अंतं करेइ ? हंता गोयमा ! कंखापदोसे खीणे जाव अंतं करेइ // 74 // अण्णउत्थिया णं भंते ! एवमाइक्खंति एवं भासेंति एवं पण्णवेंति एवं परू. वेंति-एवं खलु एगे जीवे एगेणं समएणं दो आउयाइं पकरेइ तंजहा-इहभवियाउयं च परभवियाउयं च, जं समयं इहभवियाउयं पकरेइ तं समयं परभवियाउयं पकरेइ, जं समयं परभवियाउयं पकरेइ तं समयं इहभवियाउयं पकरेइ, इहभवियाउयस्स पकरणयाए परभवियाउयं पकरेइ परभवियाउयस्स पकरणयाए इहभवियाउयं पकरेइ, एवं खलु एगे जीवे एगेणं समएणं दो आउयाई पकरेइ, तं०-इहभवियाउयं च परभवियाउयं च, से कहमेयं भंते ! एवं ? खलु गोयमा ! जण्णं ते अग्णउत्थिया एवमाइक्खंति जाव परभवियाउयं च, जे ते एवमाहंसु मिच्छं ते एवमाहंसु, अहं पुण गोयमा ! एवमाइक्खामि जाव परूवेमि-एवं खलु एगे जीवे एगेणं समएणं एगं आउयं पकरेइ, तं०-इहभवियाउयं वा परभवियाउयं वा, जं समयं इहभवियाउयं पकरेइ णो तं समयं परभवियाउयं पकरेइ, जं समयं परभवियाउयं पकरेइ णो तं समयं इहभवियाउयं.पकरेइ. इहभवियाउयस्स पकरणयाए णो परभवियाउयं पकरेइ पवियाउयस्स पकरणयाए णो इहभवियाउयं पकरेइ, . एवं खलु एगे जीवे एगेणं समएणं एगं आउयं पकरेइ, तं०-इहभवियाउयं वा, परभवियाउयं वा / सेवं भंते ! सेवं भंते ! त्ति भगवं गोयमे जाव विहरइ,॥७॥ तेणं कालेणं तेणं समएणं पासावच्चिज्जे कालासवेसियपुत्ते णामं अणगारे जेणेव थेरा भगवंतो तेणेव उवागच्छइ 2 ता थेरे भगवंते एवं वयासी-थेरा सामाइयं ण याणंति थेरा सामाइयस्स अट्ठ ण याणंति थेरा पच्चक्खाणं ण याणंति थेरा पच्चक्खाणस्स अळं ण याणंति थेरा संजमं ण याणंति थेरा संजमस्स अट्ठ ण याणंति थेरा संवरं ण याणंति थेरा संवरस्स अट्ठ ण याणंति थेरा विवेगं ण याणंति थेरा विवेगस्स अट्ठण याणंति थेरा विउस्सग्गं ण याणंति थेरा विउस्सग्गस्स अट्ठण याणंति 6 / तए णं ते थेरा भगवंतो कालासवेसिय. पुत्तं अणगारं एवं वयासी-जाणामो णं अज्जो ! सामाइयं जाणामो णं अज्जो ! •सामाइयस्स अट्ठे जाव जाणामो णं अज्जो ! विउस्सग्गस्स अट्ठ। तए णं से कालासवेसियपुत्ते अणगारे ते थेरे भगवंते एवं वयासी-जइ णं अज्जो ! तुब्भे जाणह सामाइयं जाणह सामाइयस्स अट्ठे जाव जाणह विउस्सग्गस्स अट्ठे
