________________ 447 भगवई स. 1 उ. 9 गो उदिण्णाई उवसंताई भवंति से णं पराइणइ / जस्स णं वोरियवज्झाई कम्माई बद्धाइं जाव-उदिण्णाई णो उवसंताई भवंति से णं पुरिसे पराइज्जइ, से तेणठेणं गोयमा ! एवं वच्चइ-सवीरिए पराइणइ अवीरिए पराइज्जइ // 70 // जीवा णं भंते ! कि सीरिया अवीरिया ? गोयमा ! सवीरियावि अवीरियावि।से केणठेणं ? गोयमा ! जीवा दुविहा पण्णता, तंजहा-संसारसमावण्णगा य असंसारसमावण्णगा य / तत्थ णं जे ते असंसारसमावण्णगा ते णं सिद्धा, सिद्धा णं अवीरिया। तत्थ णं जे ते संसारसमावण्णगा ते दुविहा पण्णता, तंजहा-सेलेसिपडिवण्णगा य असेलेसिपडिवण्णगा य / तत्थ णं जे ते सेलेसिपडिवण्णगा ते णं लद्धिवीरिएणं सवीरिया करणवीरिएणं अवीरिया / तत्थ णं जे ते असेलेसिपडिवण्णगा ते गं लद्धिवीरिएणं सवीरिया करणवीरिएणं सवीरियावि अवीरियावि, से तेणठेणं गोयमा ! एवं वुच्चइ-जीवा दुविहा पण्णत्ता, तंजहा-सवीरियावि अवीरियावि। णेरइया णं भंते ! किं सवीरिया अवीरिया ? गोयमा ! णेरइया लद्धिवीरिएणं सवीरिया करणवीरिएणं सवीरियावि अवीरियावि / से केणठेणं ? गोयमा ! जेसि णं रइयाणं अत्थि उट्ठाणे कम्मे बले वीरिए पुरिसक्कारपरक्कमे ते णं णेरइया लद्धिवीरिएणवि सीरिया करणवोरिएणवि सवीरिया, जेसि गं गैरइयाणं णत्थि उट्ठाणे जाव परक्कमे ते गं णेरइया लद्धिवीरिएणं सवीरिया करणवीरिएणं अवीरिया, से तेणठेणं० / जहा . रइया एवं जाव पंचिदियतिरिक्खजोणिया / मणुस्सा जहा ओहिया जीवा, णवरं सिद्धवज्जा भाणियव्वा / वाणमंतरजोइसवेमाणिया जहा णेरइया। सेवं भंते ! सेवं भंते ! ति जाव विहरइ॥ 71 // पढमं सयं णवमो उद्देसो कहणं भंते ! जीवा गरुयत्तं हव्वमागच्छंति ? गोयमा ! पाणाइवाएणं मुसावाएणं अदिग्णा० मेहुण० परि० कोह० माण० माया० लोभ० पे० दोस. कलह० अन्भक्खाण० पेसुण्ण रइअरइ० परपरिवाय० मायामोसमिच्छादसणसल्लेणं, एवं खलु गोयमा! जीवा गरुयत्तं हव्वमागच्छति / कहणं भंते ! जीवा लहुयत्तं हव्वमागच्छंति ? गोयमा ! पाणाइवायवेरमणेणं जाव मिच्छासणसल्लवेरमणेणं एवं खलु गोयमा ! जीवा लइयत्तं हव्वमागच्छन्ति / एवं संसारं आउली करेंति, एवं परित्तीकरेंति दोहोकरेंति हस्सीकरेंति एवं
