________________ 432 अंग-पविटु सुत्ताणि हंता अस्थि / कहण्णं भंते ! समणा-णिग्गंथा कंखामोहणिज्जं कम्मं वेएंति ? गोयमा! तेहिरणाणंतरेहिं दंसणंतरेहि चरित्तंतरेहि लिंगंतरेहि पवयणंतरेहि पावयणंतरेहि कप्पंतरेहि मग्गंतहि मयंतरेहि भंगंतरेहि जयंतरेहि णियमंतरोहि पमाणंतरेहि संकिया कंखिया वितिगिच्छिया भेयसमावण्णा कलुससभावण्णा, एवं खलु समणा-णिग्गंथा कंखामोहणिज्ज कम्मं वेइंति / से णणं भंते ! तमेव सच्चं णीसंकं जं जिणेहिं पवेइयं ? हंता गोयमा ! तमेव सच्चं णीसंक, एवं जाव पुरिसक्कारपरक्कमेइ वा सेवं भंते ! सेवं भंते ! // 37 // पढमं सयं चउत्थो उद्देसो कइ णं भंते ! कम्मप्पयडीओ षण्णत्ताओ? गोयमा ! अट्ठ कम्मप्पयडीओ पण्णत्ताओ, कम्मपयडीए पढमो उद्देसो पेयव्वो जाव अणुभागो सम्मत्तो / गाहाकइ पयडी कह बंधई कहिं व ठाणेहिं बंधइ पयडी ? कइ वेएइ य पयडी अणुभागो कइविहो कस्स ? // 1 // 38 // जीवे णं भंते ! मोहणिज्जेणं कडेणं कम्मेणं उदिण्णेणं उवढाएज्जा ? हंता उवढाएज्जा / से भंते ! किं वीरियत्ताए उवट्ठाएज्जा अवीरियत्ताए उवट्ठाएज्जा ? गोयमा ! .वीरियत्ताए उवढाएज्जा णो अवीरियत्ताए उवट्ठाएज्जा / जइ वीरियत्ताए उवट्ठाएज्जा कि बालवीरियताए उवट्ठाएज्जा पंडियवीरियत्ताए उवढाएज्जा बालपंडियवीरियत्ताए उवट्ठाएज्जा ? गोयमा ! बालवीरियत्ताए उवट्ठाएज्जा णो पंडियवीरियताए उवट्ठाएज्जा णो बालपंडियवीरियत्ताए उवट्ठाएज्जा / जीवे णं भंते ! मोहणिज्जेणं कडेणं कम्मेणं उदिण्णेणं अवक्कमेज्जा ? हंता अवक्कमेज्जा, से भंते ! जाव बालपंडियवीरियत्ताए अवक्कमेज्जा 3 ? गोयमा ! बालवीरियत्ताए अवक्कमेज्जा णो पंडियवीरियत्ताए अवक्कमेज्जा सिय बालपंडियवीरियत्ताए अवक्कमेज्जा। जहा उदिण्णेणं दो आलावगा तहा उवसंतेणवि दो आलावगा भाणियव्वा, णवरं उवढाएज्जा पंडियवीरियत्ताए अवक्कमेज्जा बालपंडियवीरियत्ताए / से भंते ! कि आयाए अवक्कमइ ? अणायाए अवक्कमइ ? गोयमा ! आयाए अवक्कमइ णो अणायाए अवक्कमइ, मोहणिज्जं कम्मं वेएमाणे / से कहमेयं भंते ! एवं ? गोयमा ! पुवि से एयं एवं रोयइ इयाणि से एयं एवं णो रोयइ एयं एवं खलु एवं॥३६॥से गूणं भंते ! मेरइयस्स वा तिरिक्खजोणियस्स वा मणसस्स वा देवस्स वा जे कडे पावे कम्मे णत्थि
