________________ भगवई स. 1 उ. 3 431 चेव उदीरेइ अप्पणा चेव गरहेइ अप्पणा चेव संवरेइ तं किं उदिण्णं उदीरेइ 1 अणुदिणं उदीरेइ 2 अणुदिग्णं उदीरणाभवियं कम्मं उदीरेइ 3 उदयाणंतरपञ्छाकडं कम्मं उदीरेइ 4 ? गोयमा ! णो उदिण्णं उदीरेइ 1 णो अणुदिणं उदीरेइ 2 अणुदिण्णं उदीरणाभवियं कम्मं उदीरेइ 3 णो उदयाणंतरपच्छाकडं कम्मं उदीरेइ 4 / जं तं भंते ! अणुदिण्णं उदीरणाभवियं कम्मं उदीरेइ तं कि उट्ठाणेणं कम्मेणं बलेणं वीरिएणं पुरिसक्कारपरक्कमेणं अणुदिण्णं उदीरणाभवियं क० उदी० ? उदाहु तं अणुट्ठाणेणं अकम्मेणं अबलेणं अवीरिएण अपुरिसक्कारपरक्कमेणं अणुदिण्णं उदीरणाभवियं कम्मं उदी० ? गोयमा ! तं० उट्ठाणेणवि कम्मे० बले० वोरिए० पुरिसक्कारपरक्कमेणवि अणुदिणं उदीरणाभवियं कम्मं उदीरेइ, णो तं अणुट्ठाणेणं अकम्मेणं अबलेणं अवीरिएणं अपुरिसक्कार० अणुदिण्णं उदो० भ० क. उंदी० / एवं सति अत्थि उट्ठाणे इ वा कम्मे इ वा बले इ वा वीरिए इ वा पुरिसक्कारपरक्कमे इ वा। से णूणं मंते ! अप्पणा चेव उवसामेइ अप्पणा चेवं गरहइ अप्पणा चेव संवरइ? हंता गोयमा ! एत्थ वि तहेव भाणियव्वं, णवरं अणुदिण्णं उवसामेइ सेसा पडिसेहेयव्वा तिण्णि / जं तं भंते ! अणुदिण्णं उवसामेइ तं कि उट्ठाणेणं जाव पुरिसक्कारपरक्कमेइ वा, से गूणं भंते ! अप्पणा चेव वेएइ अप्पणा चेव गरहइ ? एत्थवि सच्चेव परिवाडी, णवरं उदिणं वेएइ णो अणुदिण्णं वेएइ, एवं जाव पुरिसक्कारपरक्कमे इ वा / से गूगं मंते ! अप्पणा चेव णिज्जरेइ अप्पणा चेव गरहइ, एत्थवि सच्चेव परिवाडी णवरं उदयाणंतरपच्छाकडं कम्मं णिज्जरेइ एवं जाव परक्कमेइ वा // 35 // रइयाणं भंते ! कंखामोहणिज्ज कम्मं वेएंति ? जहा ओहिया जीवा तहा रइया, जाव थणियकुमारा। पुढविक्काइयाणं भंते ! कंखामोहणिज्जं कम्मं वेइंति ? हंता वेइंति। कहण्णं भंते! पुढविक्का० कंखामोहणिज्जं कम्मं वेदेति ? गोयमा ! तेसिणं जीवाणं णो एवं तक्का इ वा सण्णा इ वा पण्णा इ वा मणे इ वा वई ति वा-अम्हे गं कंखामोहणिज्ज कम्मं वेएमो, वेएंति पुण ते / से गूणं भंते ! तमेव सच्चं णीसंकं जं जिणेहिं पवेइयं ? सेसं तं चेव, जाव पुरिसक्कारपरक्कमेइ वा / एवं जाव चरिदियाणं पंचिंदियतिरिक्खजोणिया जाव वेमाणिया जहा ओहिया जीवा // 36 // अत्थि गं भंते ! समणावि णिग्गंथा कंखामोहणिज्जं कम्मं वेएंति ?
