________________ 430 अगं-पविट्ठ सुत्ताणि तिणि // 1 // 28 // जीवा णं भंते ! कंखामोहणिज्ज कम्मं वेदेति ? हता बेदेति / कहण्णं भंते ! जीवा कंखामोहणिज्ज कम्मं वेदेति ? गोयमा ! तेहि तेहि कारणेहि संकिया कंखिया वितिगिच्छिया भेदसमावण्णा कलुससमावण्णा, एवं खलु जीवा कंखामोहणिज्ज कम्मं वेदेति // 26 // से गूणं भंते ! तमेव सच्चं णीसंकं जं जिणेहिं पवेइयं ? हंता गोयमा! तमेव सच्चं णीसंकं जं जिणेहिं पवेइयं // 30 // से गूणं भंते ! एवं मणं धारेमाणे एवं पकरेमाणे एवं चिट्ठमाणे एवं संवरेमाणे आणाए आराहए भवइ ? हंता गोयमा ! एवं मणं धारेमाणे जाव भवइ // 31 // से णूणं भंते ! अत्थित्तं अत्थित्ते परिणमइ णत्थित्तं पत्थित्ते परिणमइ ? हंता गोयमा ! जाव परिणमइ। जणं भंते ! अत्थित्तं अत्थित्ते परिणमइ णत्थित्तं णत्थित्ते ,परिणमइ, तं किं पयोगसा वीससा? गोयमा ! पयोगसावि तं वीससावि तं। जहा ते भंते ! भत्थित्तं अत्थित्ते परिणमइ तहा ते पत्थित्तं णत्थित्ते परिणमइ ? जहा ते णत्थितं णत्थित्ते परिणमइ तहा ते अत्थितं अत्थित्ते परिणमइ ?हंता गोयमा ! महा मे अत्थित्तं अस्थित्ते परिणमइ तहा मे णत्थित्तं पत्थित्ते परिणमइ, जहा मे णत्थित्तं णत्थित्ते परिणमइ तहा मे अत्थित्तं अत्थित्ते परिणमइ / से णूणं भंते ! अत्थित्तं अत्थित्ते गमणिज्जं? जहा परिणमइ दो आलावगा तहा ते इह गमणिज्जणवि दो आलावगा भाणियव्वा जाव जहा मे अत्थित्तं अत्थित्ते गमणिज्जं // 32 // जहा ते भंते ! एत्थं गमणिज्जं तहा ते इहं गमणिज्जं नहा ते इहं गमणिज्जं तहा ते एत्थं गमणिज्जं ? हंता ! गोयमा ! जहा मे एत्थं गमणिज्जं जाव तहा मे एत्थं (इह) गमणिज्जं // 33 // जीवाणं भंते ! कंखामोहणिज्जं कम्मं बंधति ? हता! बंधंति / कह णं भंते ! जीवा कंखामोहणिज्जं कम्मं बंधंति ? गोयमा ! पमादपच्चया जोगणिमित्तं च / से गं भंते ! पमाए किपवहे ? गोयमा ! जोगप्पवहे / से णं भंते ! जोए किपवहे ? गोयमा ! वीरियप्पवहे / से णं भंत वीरिए किंपवहे ? गोयमा ! सरीरप्पवहे। से णं भंते ! सरीरे किंपवहे ? गोयमा ! जीवप्पवहे / एवं सति अत्थि उट्ठाणे इ वा कम्मे इ वा बले इ वा वीरिए इ वा पुरिसक्कारपरक्कमे इ वा // 34 // से गुणं भंते ! अप्पणा चेव उदीरेइ अप्पणा चेव गरहइ अप्पणा चेव संवरइ ? हता ! गोयमा ! अप्पणा चेव तं चेव उच्चारेयव्वं 3 / जं तं भंते ! अप्पणा
