________________ भगवई स. 1 उ. 3 429 सेणं वाणमंतरेसु 6, अवसेसा सव्वे जह० भवणवा० उक्कोसगं वोच्छामितावसाणं जोइसिएसु, कंदप्पियाणं सोहम्मे कप्पे, चरगपरिव्वायगाणं बंभलोए कप्पे, किब्बिसियाणं लंतगे कप्पे, तेरिच्छिायाणं सहस्सारे कप्पे, आजीवियाणं अच्चुए कप्पे, आभिओगियाणं अच्चुए कप्पे, सलिंगीणं दसणवावण्णगाणं उवरिमगेवेज्जएसु 14 // 25 // कइविहे णं भंते ! असण्णिआउए पण्णते ? गोयमा! चउविहे असण्णिआउए पण्णत्ते, तंजहा--णेरइयअसण्णिआउए तिरिक्ख० मणुस्स० देव० / असण्णी णं भंते ! जीवे किं णेरइयाउयं पकरेइ तिरि० मणु० देवाउयं पकरेइ ? हंता गोयमा! गेरइयाउयंपि पकरेइ तिरि० मणु० देवाउयंपि पकरेइ / रइयाउयं पकरेमाणे जहण्णेणं दसवाससहस्साई उक्कोसेणं पलिओवमस्स असंखेज्जइभागं पकरेइ, तिरिक्खजोणियाउयं पकरेमाणे जहण्णेणं अंतोमुहत्तं उक्कोसेणं पलिओवमस्स असंखेज्जइभागं पकरेइ, मणुस्साउएवि एवं चेव, देवाउयं जहाणेरइया / एयस्स णं भंते ! णेरइयअसण्णिआउयस्स तिरि० मणु० देवअसण्णिआउयस्स कयरे कयरे जाव विसेसाहिए वा? गोयमा ! सव्वथोवे देवअसण्णिआउए, मणुस्स० असंखेज्जगुणे, तिरिय० असंखेज्जगुणे, रइय० असंखेज्जगुणे / सेवं भंते ! सेवं भंते ! त्ति // 26 // पढम सयं तइओ उद्देसो जीवाणं भंते ! कंखामोहणिज्जे कम्मे कडे ? हंता कडे / से भंते ! कि देसेणं देसे कडे ? 1 देसेणं सव्वे कडे ? 2 सव्वेणं देसे कडे ? 3 सव्वेणं सव्वे कडे ? 4 गोयमा! णो देसेणं देसे कडे 1 णो देसेणं सव्वे कडे 2 णो सव्वेणं देसे कडे 3 सम्वेणं सव्वे कडे 4 / णेरइया गं भंते ! कंखामोहणिज्जे कम्मे कडे ? हंता कड़े जाव सम्वेणं सव्वे कडे 4 / एवं जाव वेमाणियाणं दंडओ भाणियव्वो // 27 // जीवा गं भंते ! कंखामोहणिज्जं कम्मं करिसु ? हंता करिसु। तं भंते ! कि देसेणं देसं करिसु ? एएणं अभिलावेणं दंडओ भाणियन्वो जाव वेमाणियाणं / एवं करेंति, एथवि दंडओ जाव वेमाणियाणं, एवं करेस्संति, एत्थवि दंडओ जाव वेमाणियाणं / एवं चिए चिणिसु चिणंति चिणिस्संति, 'उवचिए उवचिणिसु उवचिणंति उवचिणिस्संति, उदीरेंसु उदीरेंति उदीरिस्संति, वेदिसु वेदेति वेदिस्संति, णिज्जरेंसु णिज्जरेंति णिज्जरिस्संति / गाहा-कडचिया उवचिया उदीरिय. वेदिया य णिज्जिण्णा। आदिइए चउभेदा तियभेदा
