________________ 428 अंग-पविट्ट सुत्ताणि समकिरिया समाउए चेव बोद्धव्वा // 1 // 21 // कइ णं भंते ! लेस्साओ पण्णत्ताओ? गोयमा ! छल्लेसाओ पण्णत्ता, तंजहा-लेसाणं बीयओ उद्देसओ भाणियव्वो जाव इड्ढी // 22 // जीवस्स णं भंते ! तीतद्धाए आदिट्ठस्स कइविहे संसारसंचिट्ठणकाले प० ? गोयमा ! चउन्विहे संसारसंचिट्ठणकाले प० तंजहा-णेरइयसंसारसंचिट्ठणकाले तिरिक्ख० मणुस्स० देवसंसारसंचिट्ठणकाले य पण्णत्ते / णेरइयसंचिट्ठणकाले णं भंते ! कइविहे पण्णत्ते? गोयमा ! तिविहे पण्णत्ते, तंजहा-सुग्णकाले असुष्णकाले मिस्सकाले / तिरिक्खजोणियसंसार पुच्छा ? गोयमा ! दुविहे पण्णत्ते, तंजहा-असुण्णकाले य मिस्सकाले य। मणुस्साण य देवाण य जहा णेरइया णं। एयस्स णं भंते ! णेरइयसंसारसंचिट्ठणकालस्स सुण्णकालस्स असुण्णकालस्स मीसकालस्स य कयरे-कयरेहितो अप्पा वा बहुए वा तुल्ले वा विसेसाहिए वा ? गोयमा ! सव्व०असुण्णकाले मिस्सकाले अणंतगुणे सुण्णकाले अणंतगुणे / तिरि० जो० भंते ! सव्व० असुण्णकाले मिस्सकाले अणंतगुणे / मणुस्सदेवाण य जहाणेरइयाणं / एयस्स णं भंते ! गेरइयस्स संसारसंचिट्ठणकालस्स जाव देवसंसारसंचिट्ठण जाव विसेसाहिए वा ? गोयमा ! सव्वत्थोवे मणुस्ससंसारसंचिट्ठणकाले, णेरइयसंसारसंचिट्ठणकाले असंखेज्जगुणे, देवसंसारसंचिट्ठणकाले असंखेज्जगुणे, तिरिक्खजोगिए अणंतगुणे // 23 // जीवे णं भंते ! अंतकिरियं करेज्जा ? गोयमा ! अत्थेगइया करेज्जा अत्थेगइया णो करेज्जा, अंतकिरियापयं णेयव्वं // 24 // अह भंते ! असंजयभवियदव्वदेवाणं 1 अविराहियसंजमाणं 2 विराहियसं० 3 अविराहियसंजमासंज०४ विराहियसंजमासं०५ असण्णीणं 6 तावसाणं 7 कंदप्पियाणं 8 चरगपरिव्वायगाणं 6 किब्बिसियाणं 10 तेरिच्छियाणं 11 आजीवियाणं 12 आभिओगियाणं 13 सलिंगीणं सणवावण्णगाणं 14 एएसि णं देवलोगेसु उववज्जमाणाणं कस्स कहिं उववाए पण्णत्ते ? गोयमा ! अस्संजयभवियदव्वदेवाणं जहण्णेणं भवणवासीसु उक्कोसेणं उवरिमगेविज्जएसु 1, अविराहियसंजमाणं जहण्णेणं सोहम्मे कप्पे उक्कोसेणं सव्वसिद्धे विमा 2, विराहियसंजमाणं जहणेणं भवणवासीसु उक्कोसेणं सोहम्मे कप्पे 3, अविराहियसंजमासंजमाणं जह० सोहम्मे कप्पे उक्कोसेणं अच्चुए कप्पे 4, विराहियसंजमासं० जहण्णेणं भवणवासीसु उक्कोसेणं जोइसिएसु 5, असण्णीणं जहण्णेणं भवणवासीसु उक्को
