________________ भगवई स. 1 उ. 2 427 संजया य, तत्थ णं जे ते संजयासंजया तेसिणं तिण्णि किरियाओ कज्जंति, तंजहा-आरंभिया परिग्गहिया मायावत्तिया, असंजयाणं चत्तारि, मिच्छादिट्ठीणं पंच, सम्मामिच्छादिट्ठीणं पंच / मणुस्सा जहा णेरइया णाणत्तं जे महासरीरा ते बहुतराए पोग्गले आहारेंति आहच्च आहारेति / जे अप्पसरीरा ते अप्पतराए पोग्गले आहारेंति अभिक्खणं आहारेंति सेसं जहा णेरइयाणं जाव वेयणा / मणुस्सा णं भंते ! सव्वे समकिरिया ? गोयमा ! णो इणढे समझें। से केणठेणं ? गोयमा! मणुस्सा तिविहा प० तंजहा-सम्मदिट्ठी मिच्छादिट्ठी सम्मामिच्छादिट्ठी। तत्थ णं जे ते सम्मदिट्ठी ते तिविहा प०, तंजहासंजया अस्संजया संजयासंजया य / तत्थ णं जे ते संजया ते दुविहा प०, तंजहासरागसंजया य वीयरागसंजया य / तत्थ णं जे ते वीयरागसंजया ते णं अकिरिया / तत्थ णं जे ते सरागसंजया ते दुविहा पण्णता तंजहा-पमत्तसंजया य अपमत्तसंजया य / तत्थ णं जे ते अप्पमत्तसंजया तेसिणं एगा मायावत्तिया किरिया कज्जइ, तत्थ णं जे ते पमत्तसंजया तेसिणं दो किरियाओ कजंति, तं०-आरंभिया य मायावत्तिया य। तत्थ णं जे ते संजयासंजया तेसि गं आइल्लाओ तिण्णि किरियांओ कज्जंति, तंजहा-आरंभिया 1 परिग्गहिया 2 मायावत्तिया 3 / अस्संजयाणं चत्तारि किरियाओ कजंति-आरं० 1 परि० 2 मायावत्तिया 3 अप्पच्च० 4 / मिच्छादिट्ठी णं पंच-आरंभि० 1 परि० 2 माया० 3 अप्पच्च०४ मिच्छादसण० 5 / सम्मामिच्छदिट्ठीणं पंच 5 / वाणमंतरजोइसवेमागिया जहा असुरकुमारा णवरं वेयणाए णाणतं-मायिमिच्छादि वीउववण्णगा य अप्पवेयणतरा अमायिसम्मदिट्ठीउववण्णगा य महावेयणतरागा भाणियव्वा, जोइसवेमाणिया। सलेस्सा गं भंते ! रइया सव्वे समाहारगा ? ओहिया णं सलेस्साणं सुक्कलेस्साणं, एएसि णं तिण्हं एक्को गमो, कण्हलेस्साणं णीललेस्साणंपि एक्को गमो णवरं वेयणाए मायिमिच्छादिट्ठीउववण्णगा य अमायिसम्मदिट्ठीउवव० भाणियव्वा / मणुस्सा किरियासु सरागदीयरागपमत्तापमत्ता ण भाणियव्वा / काउलेसाएवि एसेव गमो, णवरं रइए जहा ओहिए दंडए तहा भाणियव्वा, तेउलेस्सा पम्हलेस्सा जस्स अत्थि महा ओहिओ दंडओ तहा भाणियव्वा णवरं मणस्सा सरागा वीयरागा य ण माणियव्वा / गाहा-दुक्खाउए उदिण्णे आहारे कम्मवण्णलेस्सा य / समवेयण
