________________ भगवई स. 1 उ. 4 तस्स अवेइत्ता मोक्खो ? हंता गोयमा ! णेरइयस्स वा तिरिक्ख० मणू० देवस्स वा जे कडे पावे कम्मे णत्थि तस्स अवेइत्ता मोक्खो / से केणट्ठणं भंते ! एवं वुच्चइ-णेरइयस्स वा जाव मोक्खो ? एवं खलु मए गोयमा! दुविहे कम्मे पण्णत्ते, तंजहा-पएसकम्मे य अणुभागकम्मे य / तत्थ णं जं तं पएसकम्मं तं णियमा वेएइ / तत्थ णं जं तं अणुभागकम्मं तं अत्थेगइयं वेएइ अत्थेगइयं णो वेएइ। णायमेयं अरहया सुयमेयं अरहया विण्णायमेयं अरहया इमं कम्म अयं जीवे अब्भोवगमियाए वेयणाए वेदिस्सइ इमं कम्म अयं जीवे उवक्कमियाए वेयणाए वेदिस्सइ, अहाकम्मं अहाणिकरणं जहा जहा तं भगवया दिनै तहा सहा तं विप्परिणमिस्सतीति / से तेणठेणं गोयमा ! णेरइयस्स वा 4 जाव मोक्खो॥४०॥ एस णं भंते ! पोग्गले अतीतमणंतं सासयं समयं भवति वत्तव्वं सिया? हंता गोयमा! एस णं पोग्गले अतीतमणंतं सासयं समयं भुवीति वत्तव्वं सिया / एस णं भंते ! पोग्गले पड़प्पण्णसासयं समयं भवतीति वत्तव्वं सिया ? हंता गोयमा ! तं चेव उच्चारेयव्वं / एस णं भंते ! पोग्गले अणागयमणंतं सासयं समयं भविस्सई वत्तव्वं सिया? हंता गोयमा ! तं वेव उच्चारेयव्वं / एवं खंधणवि तिणि आलावगा, एवं जीवेणवि तिणि आलावगा भाणियव्वा // 41 // छउमत्थे णं भंते ! मणसे अतीतमणंतं सासयं समयं भुवीति केवलेणं संजमेणं केवलेणं संवरेणं केवलेणं बंभचेरवासेणं केवलाहि पवयणमाईहि सिज्झिसु बुज्झिसु जाव सव्वदुक्खाणमंतं करिसु? गोयमा! णो इणठे समझें। से केणछैणं भंते ! एवं वुच्चइ तं चेव जाव अंतं करेंसु ? गोयमा ! जे केइ अंतकरा वा अंतिमसरीरिया वा सव्वदुक्खाणमंतं करेंसु वा करेंति वा करिस्संति वा सव्वे ते उप्पण्णणाणसणधरा अरहा जिणे केवली भवित्ता तओ पच्छा सिझंति बुझंति मुच्चंति परिणिवायंति सव्वदुक्खाणमंतं करेंसु वा करेंति वा करिस्संति वा, से तेणठेणं गोयमा ! जाव सव्वदुक्खाणमंतं करेंसु०, पड़प्पण्णेऽवि एवं चेव णवरं सिझंति भाणियव्वं / अणागएवि एवं चेव, णवरं सिज्झिस्संति भाणियव्वं / जहा छउमत्थो तहा आहोहिओवि तहा परमाहोहिओऽवि तिण्णि तिण्णि आलावगा भाणियव्वा / केवली गं भंते ! मणूसे अतीतमणतं सासयं समयं जाव अंतं करेंसु ? हंता सिज्झिसु जाव अंतं करेंसुः। एए तिण्णि आलावगा भाणियव्वा छउमस्थस्स जहा गवरं सिज्झिसु सिमंति सिन्झिस्संति / से गूणं भंते ! अतीतमणतं सासयं समयं
