________________ भगवई स. 1 उ. 1 421 मुहुत्तं उक्कोसेणं बावीसं वाससहस्साई। पुढविक्काइया केवइकालस्स आणमंति वा पा० ? गो० वेमाय० आणमंति वा पा०, पुढविक्काइयाणं आहारट्ठी ?हंता आहारट्ठी / पुढविक्काइयाणं केवइकालस्स आहारठे समुप्पज्जइ ? गोयमा ! अणुसमयं अविरहिए आहारट्ठे समुप्पज्जइ, पुढविक्काइया किमाहारमाहारेंति ? गोयमा ! दव्वओ जहा णेरइयाणं जाव णिवाघाएणं छद्दिसि वाघायं पडुच्च सिय तिदिसि सिय चउद्दिसि सिय पंचदिसिं, वण्णओ कालणीलपीतलोहियहालिद्दसुक्किल्लाणि, गंधओ सुरभिगंध 2 रसओ तित्त 5 फासओ कक्खड 8 सेसं तहेव / णाणत्तं कइभागं आहारेति ? कइभागं फासाइंति ? गोयमा ! असंखिज्जइभागं आहारेंति अणंतभागं फासाइंति जाव तेसि पोग्गला कीसत्ताए / भुज्जो-भुज्जो परिणमंति ? गोयमा ! फासिदियवेमायत्ताए भुज्जो-भुज्जो परिणमंति, सेसं जहा रयाणं जाव णो अचलियं कम्मं णिज्जरंति / एवं जाव वणस्सइकाइयाणं, णवरं ठिई वण्णेयव्वा जाव (इया) जस्स, उस्सासो वेमायाए / बेइंदियाणं ठिई भाणियव्वा ऊसासो वेमायाए। बेइंदियाणं आहारे पुच्छा, गोयमा ! आभोगणिव्वत्तिए य अणाभोगणिव्वत्तिए य तहेव / तत्थ णं जे से आभोगणिव्वत्तिए से णं असंखेज्जसमए अंतोमुहुत्तिए वेमायाए आहारट्टे समुप्पज्जइ, सेसं तहेव जाव अणंतभागं आसायंति / बेइंदियाणं भंते ! जे पोग्गले आहारत्ताए गेण्हंति ते किं सब्वे आहारेति णो सव्वे आहारेति ? गोयमा ! बेइंदियाणं दुविहे आहारे पण्णत्ते, तंजहा-लोमाहारे पक्खेवाहारे य ।जे पोग्गले लोमाहारत्ताए गिण्हंति ते सव्वे अपरिसेसिए आहारेंति, जे पोग्गले पक्खेवाहारताए गिण्हंति तेसिणं पोग्गलाणं असंखिज्जइभागं आहारेंति अणेगाइं च णं भागसहस्साई अणासाइज्जमाणाई अफासिज्जमाणाई विद्धंसमागच्छंति / एएसि गं भंते ! पोग्गलाणं अणासाइज्जमाणं अफासाइज्जमाणाण य कयरे-कयरे अप्पा वा बहुया वा तुल्ला वा विसेसाहिया वा? गोयमा ! सव्वत्थोवा पुग्गला अणासाइज्जमाणा अफासाइज्जमाणा अणंतगुणा / बेइंदियाणं भंते ! जे पोग्गला आहारत्ताए गिण्हंति ते णं तेसिं पुग्गला कीसत्ताए भुज्जो-२ परिणमंति? गोयमा! जिंब्मिदियफासिदियवेमायत्ताए भुज्जो-भुज्जो परिणमंति / बेइंदियाणं भंते ! . पुव्वाहारिया पुग्गला परिणया तहेव जाव चलियं कम्मं णिज्जरंति / तेइंदियचरिदियाणं णाणत्तं ठिइए जावणेगाइंच णं भागसहस्साई अणाघाइज्जमाणाई
