________________ 420 अगं-पविट्ठ सुत्ताणि आहारोऽवि जहा पण्णवणाए पढमे आहारुद्देसए तहा भाणियब्वो, एत्तो आढत्तोरइयाणं भंते ! आहारट्ठी ? जाव दुक्लत्ताए भुज्जो-भुज्जो परिणमंति, गोयमा ! 0 / असुरकुमाराणं भंते ! केवइयं कालं ठिई प० ? गोयमा ! जहण्णणं दस वाससहस्साई उक्कोसेणं साइरेगं सागरोवसं / असुरकुमाराणं भंते ! केवइयं कालस्स आणमंति वा पाणमंति वा ? गोयमा ! जहण्णेणं सत्तण्हं थोवाणं उक्कोसेणं साइरेगस्स पक्खस्स आणमंति वा पाणमंति वा। असुरकुमाराणं भंते ! आहारट्ठी? हंता आहारट्ठी। असुरकुमाराणं भंते ! केवइकालस्स आहारट्ठे समुप्पज्जइ ? गोयमा ! असुरकुमाराणं दुविहे आहारे पण्णत्ते, तंजहा-आभोगणिव्वत्तिए य अणाभोगणिवत्तिए ये / तत्थ णं जे से अणाभोगणिव्वत्तिए से अणुसमयं अविरहिए आहारट्टे समुप्पज्जइ। तत्थ णं जे से आभोगणिव्वतिए, से जहण्णेणं चउत्थभत्तस्स उक्कोसेणं साइरेगस्स वाससहस्सस्स आहारट्ठे समुप्पज्जइ / असुरकुमाराणं भंते ! किमाहारमाहारेंति ? गोयमा ! दव्वओ अणंतपएसियाई दव्वाइं खित्तकालभावपण्णवणागमेणं सेसं जहा णेरइयाणं जाव तेणं तेसि पोग्गला कीसत्ताए भज्जो-भज्जो परिणमंति? गोयमा सोइंदियताए सुरूवत्ताए सुवण्णत्ताए 4 इट्टत्ताए इच्छियत्ताए भिज्जियत्ताए उड्डत्ताए णो अहत्ताए सुहत्ताए णो दुहत्ताए भुज्जो-भुज्जो परिणमंति / असुरकुमारा णं पुव्वाहारिया पुग्गला परिणया ? असुरकुमाराभिलावेणं जहाणेरइयाणं जाव णो अचलियं कम्मं णिज्जरेंति / णागकुमाराणं भंते ! केवइयं कालं ठिई प० ? गोयमा ! जहण्णेणं दस वाससहस्साई उक्कोणं देसूणाइं दो पलिओवमाइं। णागकुमाराणं भंते ! केवइकालस्स आणमंति वा पा० ? गोयमा ! जहण्णेणं सत्तण्हं थोवाणं उक्कोसेणं मुहत्तपुहुत्तस्स आणमंति वा पा० / णागकुमाराणं भंते ! आहारट्ठी? हंता आहारट्ठी / णागकुमाराणं भंते ! केवइकालस्स आहारट्टे समुप्पज्जइ ? गोयमा ! णागकुमाराणं दुविहे आहारे पण्णत्ते, तंजहा-आभोगणिवत्तिए य अणाभोगणिव्वत्तिए य / तत्थ गंजे से अणाभोगणिवतिए से अणुसमयमविरहिए आहारठे समुप्पज्जइ तत्थ णं जे से आभोगणिव्वत्तिए से जहण्णेणं चउत्थभत्तस्स उक्कोसेणं दिवसपुहुतस्स आहारठे समुप्पज्जइ / सेसं जहा असुरकुमाराणं जाव णो अचलियं कम्मं णिज्जरंति / एवं सुवण्णकुमारावि जाव थणियकुमाराणं ति। पुढविक्काइयाणं भंते ! केवइयं कालं ठिई प० ? गोयमा ! जहणणं अंतो
