________________ 422 अंग-पविट्ट सुत्ताणि भणासाइज्जमाणाई अफासाइज्जमाणाई विद्धंसमागच्छंति / एएसिणं भंते ! पोग्गलाणं अणाघाइज्जमाणाई 3 पुच्छा / गोयमा ! सव्वत्थोवा पोग्गला अणाघाइज्जमाणा अणासाइज्जमाणा अणंतगुणा अफासाइज्जमाणा अणंतगुणा / तेइंदियाणं घाणिदियजिभिदियफासिदियवेमायाए भज्जो 2 परिणमंति। चरिदियाणं चक्खिदियघाणिदियजिटिभदियफासिदियत्ताए भुज्जो-भुज्जो परिणमंति / पंचिदियतिरिक्खजोणियाणं ठिई भणिऊणं ऊसासो वेमायाए, आहारो अणाभोगणिव्वत्तिए अणुसमयं अविरहिओ, आभोगणिव्वत्तओ जहण्णेणं अंतोमुहत्तस्स उक्कोसेणं छभत्तस्स, सेसं जहा चरिदियाणं जाव चलियं कम्मं णिज्जरेति / एवं मणुस्साणवि, णवरं आभोगणिव्वत्तिए जहणेणं अंतोमहत्तं उक्कोसेणं अट्ठमभत्तस्स सोइंदियवेमायत्ताए भुज्जो-भुज्जो परिणमंति, सेसं जहा चरिदियाणं, तहेव जाव णिज्जरेंति / वाणमंतराणं ठिईए णाणत्तं, परिणमंति अवसेसं जहा णागकुमाराणं, एवं जोइसियाणवि, णवरं उस्सासोजहण्णेणं महुतपुहुत्तस्स उक्कोसेवि मुहुत्तपुहुत्तस्स, आहारो जहण्णेणं दिवसपुत्तस्स उक्कोसेणवि दिवसपुहुत्तस्स, सेसं तहेव / वेमाणियाणं लिई भाणियव्वा ओहिया, ऊसासो जहण्णेणं मुहत्तपुहुत्तस्स उक्कोसेणं तेत्तीसाए पक्खाणं, आहारो आभोगणिवत्तिओ जहण्णेणं दिवसपुहुत्तस्स उक्कोसेणं तेत्तीसाए वाससहस्साणं, सेसं चलियाइयं तहेव जाव णिज्जरेंति // 15 // जीवा णं भंते ! किं आयारंभा परारंभा तदुभयारंभा अणारंभा ? गोयमा ! अत्थेगइया जीवा आयारंभावि परारंभावि तदुभयारंभावि णो अणारंभा / अत्थेगइया जीवा णो आयारंभा णो परारंभा णो तदुभयारंभा अणारंभा। से केणद्वेणं भंते ! एवं वुच्चइ-अत्थेगइया जीवा आयारंभावि ? एवं पडिउच्चारेयव्वं / गोयमा ! जीवा दुविहा पण्णत्ता तंजहा-संसारसमावण्णगा य असंसारसमावण्णगा य, तत्थ णं जे ते असंसारसमावण्णगा ते णं सिद्धा / सिद्धा णं णो आयारंभा जाव अणारम्भा / तत्थ णं जे ते संसारसमावण्णमा ते दुविहा पण्णत्ता, तंजहा-संजया य असंजया य / तत्थ णं जे ते संजया ते दुविहा पण्णत्ता, तंजहा-पमत्तसंजया य अप्पमत्तसंजया य / तत्थ णं जे ते अप्पमत्तसंजया ते णं णो आयारंभा णो परारंभा जाव अणारंभा। तत्य णं जे ते पमत्तसंजया ते सुहं जोगं पडुच्च णो आयारंभा णो परारंभा जाव भणारंभा, असुभं जोगं पडुच्च आयारंभावि जाव णो अणारंभा। तत्थ णं जे ते
