________________ भगवई-विवाहपत्ति णमो अरिहंताणं णमो सिद्धाणं णमो आयरियाणं णमो उवज्झायाणं णमो लोए सव्वसाहूणं // 1 // णमो बंभीए लिवीए // 2 // णमो सुयस्स ॥३॥रायगिह चलण दुक्खे कंखपओसे य पगइ पुढवीओ। जावंते गैरइए बाले गुरुए य चलणाओ॥१॥ते णं कालेणं तेणं समए णं रायगिहे णामं णयरे होत्था, वण्णओ। तस्स णं रायगिहस्स णगरस्स बहिया उत्तरपुरथिमे दिसीभाए गुणसिलए णामं चेइए होत्था, सेणिए राया, चिल्लणा देवी // 4 // ते णं काले णं ते णं समए गं समणे भगवं महावीरे आइगरे तित्थयरे सहसंबुद्धे पुरिसुत्तमे पुरिससीहे पुरिसवरपुंडरीए पुरिसवरगंधहत्थीए लोगुत्तमे लोगणाहे लोगप्पइवे लोगपज्जोयगरे अभयदए चक्खुदए मग्गदए सरणदए धम्मदए धम्मदेसए धम्मसारही धम्मवरचाउरंतचक्कवट्टी अप्पडिहयवरणाणदंसणधरे वियदृछउमे जिणे जाणए बुद्ध बोहए मुत्ते मोयए सव्वण्णू सव्वदरिसी सिवमयलमरुयमणंतमक्खयमव्वाबाहमपुणरावत्तयं सिद्धिगइणामधेयं ठाणं संपाविउकामे जाव समोसरणं // 5 // परिसा णिग्गया, धम्मो कहिओ, परिसा पडिगया // 6 // तेणं कालेणं तेणं समएणं समणस्स भगवओ महावीरस्स जेठे अंतेवासी इंदभूई णामं अणगारे गोयमसगोत्तेणं सत्तुस्सेहे समचउरंससंठाणसंठिए वज्जरिसहणारायसंघयणे कणगपुलगणिघसपम्हगोरे उग्गतवे दित्ततवे तत्ततवे महातवे ओराले घोरे घोरगुणे घोरतवस्सी घोरबंभचेरवासी उच्छूढसरीरे संखित्तविउलतेयलेसे चोद्दसपुन्वी चउणाणोवगए सव्वक्खरसण्णिवाई समणस्स भगवओ महावीरस्स अदूरसामंते उड्ढंजाणू अहोसिरे झाणकोट्ठोवगए संजमेणं तवसा अप्पाणं भावेमाणे विहरइ // 7 // तए णं से भगवं गोयमे जायसड्ढे जायसंसए जायकोउहल्ले उप्पण्णसड्ढे उप्पण्णसंसए उप्पण्णकोउहल्ले संजायसड्ढे संजायसंसए संजायकोउहल्ले समुप्पण्णसड्ढे समुप्पण्णसंसए समुप्पण्णकोउहल्ले उठाएं उट्टेइ उट्ठाए उठेत्ता जेणेव समणे भगवं महावीरे तेणेव उवागच्छइ उवागच्छित्ता समणं भगवं महावीरं तिक्खुत्तो आयाहिणपयाहिणं करेइ 2 ता वंदइ णमंसइ 2 ता णच्चासण्णे गाइदूरे सुस्सूसमाणे णमंसमाणे
