________________ 418 अंग-पविटु सुत्ताणि अभिमुहे विणएणं पंजलिउडे पज्जुवासमाणे एवं वयासी-से गूणं भंते ! चलमाणे चलिए 1, उदीरिज्जमाणे उदीरिए 2, वेइज्जमाणे वेइए 3, पहिज्जमाणे पहोणे 4, छिज्जमाणे छिष्णे 5, भिज्जमाणे भिण्णे 6, दड्ड (डज्झ ) माणे दड्ढे 7, मिज्जमाणे मए 8, णिरिज्जमाणे णिज्जिण्णे 6 ? हता, गोयमा ! बलमाणे चलिए जाव णिज्जरिज्जमाणे णिज्जिण्णे / एए णं भंते ! णव पया कि एगट्ट! णाणाघोसा णाणावंजणा उदाहु णाणट्ठा णाणाघोसा णाणावंजणा ? गोयमा ! चलमाणे चलिए 1 उदीरिज्जमाणे उदीरिए 2 वेइज्जमाणे वेइए 3 पहिज्जमाणे पहीणे 4 ते एए णं चत्तारि पया एगट्टा णाणाघोसा णाणावंजणा उप्पण्णपक्खस्स, छिज्जमाणे छिपणे भिज्जमाणे भिणे दड्ड ( उज्ज्ञा ) माणे दड्ढे मिज्जमाणे मडे णिज्जरिज्जमाणे णिज्जिण्णे, एए णं पंच पया णाणट्ठा णाणाघोसा णाणावंजणा विगयपक्खस्स // 8 // णेरइयाणं भंते ! केवइकालं ठिई पण्णत्ता ? गोयमा ! जहण्णेणं दस वाससहस्साइं उक्कोसेणं तेत्तीसं सागरोवमाई ठिई प० 1 / रइयाणं भंते ! केवइकालस्स आणमंति वा पाणमंति वा ऊससंति या णीससंति वा . ? जहा ऊसासपए 2 / रइया णं भंते ! आहारट्ठी ? जहा पष्णवणाए पढमए आहारुद्देसए तहा भाणियव्वं 3 / ठिई उस्सासाहारे किं, वाऽऽहारेंति सव्वओ वावि ? कइभागं सव्वागि व ? कीस व भज्जो परिणमंति ? ॥१॥॥णेरइयाणं भंते ! पुव्वाहारिया पोग्गला परिणया 1? आहारिया आहारिन्जमाणा पोग्गला परिणया 2 ? अणाहारिया आहारिस्जिस्समाणा योग्गला परिणया 3 ? अणाहारिया अणाहारिज्जिस्समाणा पोग्गला परिणया 4 ? गोयमा ! णेरइयाणं पुव्वाहारिया पोग्गला परिणया 1, आहारिया आहारिज्जमाणा पोग्गला परिणया परिणमंति य 2, अणाहारिया आहारिज्जिस्समाणा पोग्गला णो परिणया परिणमिस्संति 3, अणाहारिया अणाहारिज्जिस्समाणा पोग्गला णो परिणया णो परिणमिस्संति 4 // 10 // रयाणं भंते ! पुवाहारिया पोग्गला चिया पुच्छा, जहा परिणया तहा चियावि। एवं चिया उवचिया उदोरिया वेइया णिज्जिण्णा, गाहा-परिणय चिया उवचिया उदीरिया वेइया य णिज्जिण्णा / एक्केक्कमि पदंमि (मी) चउन्विहा पोग्गला होति ॥१॥११॥णेरइयाणं भंते ! कइविहा
