________________ 416 अंग-पविट्ठ सुत्ताणि रिया भविस्संति, णव णियाणभूमीओ भविस्संति, णव णियाणकारणा भविस्संति, णव पडिसत्तू भविस्संति, तं जहा-तिलए य लोहजंघे वइरजंघे य केसरी पहराए / अपराइए य भीमे महाभीमे य सुग्गीवे / / 85 / / एए खलु पडिसत्तू कित्तीपुरिसाण वासुदेवाणं / सव्वे वि चक्कजोही हम्मिहिंति सचक्केहिं / / 86 // 193 // जंबुद्दीवे णं दीवे एरवए वासे आगमिस्साए उस्सप्पिणीए चउव्वीसं तित्थयरा भविस्संति, तं जहा-सुमंगले य सिद्धत्थे, णिव्वाणे य महाजसे | धम्मज्झए य अरहा, आग. मिस्साण होक्खइ / / 87 // सिरिचंदे पुप्फकेऊ, महाचंदे य केवली / सुयसायरे य अरहा, आगमिस्साण होवइ / / 88 // सिद्धत्थे पुण्णघोसे य, महाघोसे य केवली / सच्चसेणे य अरहा, आगमिस्साण होक्रवइ / / 89 / / सूरसेणे य अरहः, महासेणे य केवली / सव्वाणंदे य अरहा, देव उत्ते, य होक्खइ / / 90 / / सुपामे सुव्वए अरहा, अरहे य सुकोसले / अरहा अणंतविजए, आगमिस्साण होकरवइ / / 91 // विमले उत्तरे अरहा, अरहा य महाबले / देवाणंदे य अरहा, आगमिस्साण होक्खइ / / 92 // एए वुत्ता चउव्वीसं, एरवयंमि केवली / आगमिस्साण होक्खंति, धम्मतित्थस्स देसगा // 93 / / 194 // बारस चक्कवट्टिणो भविस्संति, बारस चक्कवट्टिपियरो भविस्संति, बारस चकवट्टिमायरो भविस्संति, बारस इत्थी. रयणा भविस्संति / णव बलदेववासुदेवपियरो भविस्संति, णव वासुदेवमायरो भविस्संति, णव बलदेवमायरो भविस्संति, णव दसारमंडला भविस्संति, तं जहाउत्तमपुरिसा मज्झिमपुरिसा पहाणपुरिसा जाव दुवे दुवे रामकेसवा भायरो भविसंति, णव पडिसत्तू भविस्संति, णव पुन्वभवणामधेजा, णव धम्मायरिया, णव णियाणभूमीओ, णव णियाणकारणा, आयाए एरवए आगमिस्साए भाणियव्वा / एवं दोसु वि आगमिस्साए भाणियव्वा / / 195 / / इच्चेयं एवमाहिजंति, तं जहाकुलगरवंसेइ य एवं तित्थयरवंसेइ य चकवट्टिवसेइ य दसारवंसेइ य गणधरवंसेइ य इसिवंसेइ य जइवंसेइ य मुणिवंसेइ य / सुएइ वा सुअंगेइ वा सुयसमासेइ वा सुय. खंधेइ वा समवाएइ वा संखेइ वा सम्मत्तमंगमक्खायं अज्झयणं त्ति बेमि / / 196 / / // समवायं चउत्थमंगं समत्तं / /
