________________ 30 अंग-पविट्ठ सुत्ताणि आहट्ट दलइस्सामि आहडं च णो साइज्जिस्सामि 2 जस्सणं भिक्खुस्स एवं भवइ; अहं च खलु असणं वा 4 आहटु णो दलइस्सामि आहडं च साइजिस्सामि 3 जस्सणं भिक्खुस्स एवं भवइ अहं च खलु अण्णेसि भिक्खूणं असणं वा 4 आहटु णो दलइ. स्सामि आहडं च णो साइजिस्सामि // 4 // अहं च खलु तेण अहाइरित्तेणं अहेसणिज्जेणं अहापरिग्गहिएणं असणेणं वा 4 अभिकंख साहम्मियस्स कुन्जा वेयावडियं करणाए, अहं वावि तेण अहाइरित्तेणं अहेसणिज्जणं अहापरिग्गहिएणं असणेणं वा 4 अभिकंख साहम्मिएहिं कीरमाणं वेयावडियं साइजिस्सामि लाघवियं आगममाणे जाव सम्मत्तमेव समभिजाणिया / / 435 / / जस्सणं भिक्खुस्स एवं भवइ से गिलामि च खलु अहं इमम्मि समए इमं सरीरगं अणुपुव्वेणं परिवहित्तए, से अणुपुव्वेणं आहारं संवट्टेजा, संवट्टइत्ता कसाए पयणुए किच्चा समाहिअच्चे फलगावयट्ठी उट्ठाय भिक्खू अभिणिव्वुडच्चे, अणुपविसित्ता गामं वा णयरं वा जाव रायहाणिं वा तणाइं जाए जा, से तमायाए एगंतमवकमेजा, एगंतमवक्कमेत्ता अप्पंडे जाव तणाई संथरेजा, इत्थवि समए कायं च, जोगं च, इरियं च, पचक्खाए जा // 436 / / तं सचं सच्चावाई ओए तिण्णे छिण्णकहंकहे आईयढे अणाईए चेच्चाण भिउरं कायं संविहाणिय विरूवरूवे परिसहोवसग्गे अस्ति विसंभणयाए भेरवमणुचिण्णे तत्थावि तस्सकालपरियाए से तत्थ विअंतिकारए इच्चेयं विमोहाययणं हियं, सुह, खमं, णिस्सेसं आणुगामियं त्ति बेमि / 437) अटूम अज्झयणं सत्तमोद्देसो समत्तो॥ अणुपुव्वेण विमोहाई, जाइं धीरा समासज्ज; वसुमंतो, मइमंतो सव्वं णच्चा अणेलिसं ॥४३८||दुविहंपि विइत्ताणं, बुद्धा धम्मस्स पारगा; अणुपुवीए संखाए, आरंभाओ तिउट्टइ।४३९।कसाए पयणूए किच्चा,अप्पाहारो तितिक्खए;अह भिक्खू गिलाए जा, आहारस्सेव अंतियं // 440 // जीवियं णाभिकंखेजा, मरणं णोवि पत्थए; दुहओवि ण सज्जेज्जा, जीविए मर णे तहा // मज्झत्थो णिज्जरापेही, समाहिमणुपालए; अंतो बहिं विउस्सिन्ज, अज्झत्थं सुद्धमे सए // 441 // जं किंचुवक्कम जाणे, आउक्खेमस्स अप्पणो; तस्सेव अंतरद्धाए, खिप्पं सिक्खेज पंडिए // 442 / / गामे वा अदुवा रण्णे, थंडिलं पडिलेहिया; अप्पपाणं तु विण्णाय, तणाई संथरे मुणी // 443 / / अणाहारो तुअर्टेजा, पुट्ठो तत्थऽहियासए; णाइवेल उवचरे,माणुस्सेहिं वि पुट्ठवं।४४४ संसप्पगा य जे पाणा, जे उ उड्डमहेचरा; भुंजंति मंससोणियं, ण छणे ण पमन्जए ।।४४५॥पाणा देहं विहिंसंति, ठाणाओ ण वि उब्भमे; आसवेहिं विवित्तेहिं, तिप्पमाणोऽहियासए / / 446 / / गंथेहिं विवित्तेहिं, आउकालस्स पारए; पग्गहियतरगं चेयं, दवियस्स विया
