________________ आयारो सु. 1 अ.८ उ.७ जाव गिम्हे प्रडिवण्णे अहा परिजुण्णं वत्थं परिवेज्जा 2 त्ता अदुवा एग साडे अदुवा अचेले लाघवियं आगममाणे, जाव सम्मत्तमेव समभिजाणिया, जस्स णं भिक्खुस्स एवं भवइ एगे अहमंसि णमे अत्थि कोइ ण याहमवि कस्स वि, एवं से एगागिणमेव अप्पाणं समभिजाणिज्जा लाघवियं आगममाणे तवे से अभिसमण्णागए भवइ जाव समभिजाणिया ॥४२९।।से भिक्खू वा भिक्खुणी वा असणं वा 4 आहारेमाणे णो वामाओ हणुयाओ दाहिणं हणुयं संचारेज्जा आसाएमाणे, दाहिणाओ वा हणुयाओ वामं हणुयं णो संचारेज्जा आसाएमाणे से अणासायमाणे लावियं आगममाणे, तवेसे अभिसमण्णागए भवइ / जमेयं भगवया पवेइयं तमेव अभिसमेच्चा सवओ सव्वत्ताए सम्मत्तमेव समभिजाणिया // 430 // जस्सणं भिक्खुस्स एवं भवई, से गिलामि च खलु अहं इमंमि समए णो संचाए मि इमं सरीरगं अणुपुव्वेण परिवहित्तए,से अणुपुवेणं आहारं संवट्टेजा अणुपुव्वेण आहारं संवट्टित्ता, कसाए पयणुए किच्चा,समाहियच्चे फलगावयट्ठी उट्ठाय भिक्खू अभिणिव्वुडच्चे अणुपविसित्ता गामं वा, णयरं वा, खेडं वा,कव्वडं वा, मंडबं वा, पट्टणं वा, दोणमुहं वा, आगरं वा, आसमं वा, संणिवेसं वा, णिगमं वा,रायहाणिं वा, तणाई जाए जा,तणाई जाइत्ता से तमायाए एगंतमवक्कमिज्जा, एगंतमवक्कमित्ता, अप्पंडे-अप्पपाणे-अप्पबीए-अप्पहरिए अप्पोसे-अप्पोदए-अप्पुत्तिंग-पणग-दग मट्टियमकडासंताणए पडिलेहिय 2 पमज्जिय 2 तणाई संथरेजा तणाई संथरेत्ता एत्थवि समए इत्तरियं कुजा // 43 // तं सचं सच्चवाई ओए तिण्णे, छिण्णकहकहे, आईयढे अणाईए चिच्चाण भिउरं कायं संविहय विरूबरूवे परिसहो वसग्गे अस्सि विसंभणयाए भेरवमणुचिण्णे,तत्थावि तस्स कालपरियाए जाव अणुगामियं त्ति बेमि // 432 // छट्ठोद्देसो समत्तो।। जे भिक्खू अचेले परिवुसिए तस्स णं भिक्खुस्स एवं भवइ चाएमि अहं तणफासं अहियासित्तए, सीयफासं अहियासित्तए, तेउफासं अहियासित्तए, दंसमसगफासं अहियासित्तए, एगयरे अण्णयरे विरूवरूवे फासे अहियासित्तए हिरिपडिच्छायणं चऽहं णो संचाए मि अहियासित्तए, एवं से कप्पइ कडिबंधणं धारित्तए // 433 // अदुवा तत्थ परक्कमंतं भुजो अचेलं तणफासा फुसंति, सीयफासा फुसंति, तेउफासा फुसंति, दंसमसगफासा फुसंति, एगयरे अण्णयरे विरूवरूवे फासे अहियासेइ अचेले लाघवियं आगममाणे जाव समभिजाणिया / / 434 // जस्सणं भिक्खुस्स एवं भवइ अहं च खलु अण्णेसिं भिक्खूणं असणं वा 4 आहटु दलइस्सामि, आहडं च साइजिस्सामि 1 जस्सणं भिक्खुस्स एवं भवइ अहं च खलु अण्णेसिं भिक्खूणं असणं वा 4
