________________ 28 - अंग-पविटु सुत्ताणि परिट्ठवेजा 2 अदुवा संत्तरुत्तरे, अदुवा ओमचेले, अदुवा एगसाडे, अदुवा अचेले लाघवियं आगममाणे, तवे से अभिसमण्णागए भवइ / जमैयं भगवया पवेइयं तमेव अभिसमेच्चा,सव्वओ सव्वत्ताए सम्मत्तमेव समभिजाणिया।४२२। जस्स णं भिक्खुस्स एवं भवइ पुट्ठो खलु अहमंसि, णालमहमंसि सीय फासं अहियासित्तए,से वसुमं सव्व. समण्णागयपण्णाणेणं अप्पाणेणं केइ अकरणयाए आउट्टे, तवस्सिणो हु तं सेयं जमेगे विहमाइए तत्थावि तस्स कालपरियाए,से वि तत्थ विअंतिकारए इच्चयं विमोहाययणं हियंसुहंग्वमंणिस्सेसं आणुगामियं त्ति बेमि / 423 / चउत्थोद्देसो समत्तो। से भिक्खू दोहिं वत्थेहिं परिवुसिए पायतइए हिं, तस्स णं णो एवं भवइ तइयं वत्थं जाइस्सामि, से अहेसणिज्जाइं वत्थाई जाएजा, जाव एवं खलु तस्स भिक्खुस्स सामग्गिय ||424 // अह पुण एवं जाणेजा, उवाइकते खलु हेमंते, गिम्हे पडिवण्णे, अहा परिजुण्णाई वत्थाई परिवेज्जा 2 अदुवा संत्तरुत्तरे, अदुवा ओमचेले अदुवा एगसाडे, अदुवा अचेले, लाघवियं आगममाणे, तवे से अभिसमण्णागए भवइ, जमेयं भगवया पवेइयं तमेव अभिसमेच्चा सवओ सव्वत्ताए सम्मत्तमेव समभिजाणिया // 425 // जस्सणं भिक्खुस्स एवं भवइ, पुट्ठो अबलो अहमंसि, णालमहमंसि गिहतरसंकमणं भिक्खायरियं गमणाए, से एवं वयंतस्स परो अभिहडं असणं वा 4 आह? दलएज्जा से पुवामेव आलोएज्जा आउसंतो गाहावई ! णो खलु मे कप्पइ अभिहडं असणं वा 4 भोत्तए वा, पायए वा, अण्णे वा एयप्पगारे // 426 // जस्सणं भिक्खुस्स अयं पगप्पे; अहं च खलु पडिण्णत्तो अपडिण्णत्तेहिं गिलाणो अगिलाणेहिं अभिकख साहम्मिए हिं कीरमाणं वेयावडियं साइज्जिस्सामि / अहं वावि खलु अपडिण्णत्तो पडिण्णत्तस्स अगिलाणों गिलाणस्स, अभिकंख साहम्मिअस्स कुजा वेयावडिअं करणाए // 427|| आहट्ट परिणं अणुक्खिस्सामि, आहडं च साइजिस्सामि 1 आहट्ट परिणं आणखेस्सामि, आहडं च णो साइन्जिस्सामि 2 आहट्ठ परिणं,णो आणखेस्सामि,आहडं च साइन्जिस्सामि 3 आह? परिणं णो आणखेस्सामि, आहडं च णो साइन्जिस्सामि 4 एवं से अहाकिट्टियमेव, धम्म सम. हिजाणमाणे संते विरए सुसमाहियलेसे तत्थावि तस्स कालपरियाए, से तत्थ विअंतिकारए, इच्चेयं विमोहाययणं हियं सुहं खमं णिस्सेसं आणुगामियं त्ति बेमि // 428 // अळं अज्झयणं पंचमोद्देसो समत्तो॥ जे मिक्खू एगेण वत्थेण परिसिए पायबिइएण, तस्सणं णो एवं भवइ, " बिइयं वत्थं जाइस्सामि" से अहेसणिज्जं वत्थं जाएजा, अहापरिग्गहियं वा चत्थं धारेजा
