________________ समवाओ-चक्कवट्टी-बलदेव 413 ओसप्पिणीए णवबलदेवणववासुदेवपियरो होत्या, तं जहा-पयावई य बंभो [सोमो रुहो सिवो महसियों य / अग्गिसिहो य दसरहो णवमो भणिओ य वसुदेवो // 50 // ] जंबुद्दीवे णं दीवे भारहे वासे इमीसे ओसप्पिणीए णव वासुदेवमायरो होत्या, तं जहा–मियावई उमा चेव पुहवी सीया य अम्मया / लच्छिमई सेसमई केकई देवई तहा // 51 // जंबुद्दीवे णं दीवे भारहे वासे इमीसे ओसप्पिणीए णवबलदेवमायरो होत्था, तं जहा-भद्दा तह सुभद्दा य सुप्पभा य सुदंसणा / विजया वेजयंती य जयंती अपराजिया / / 52 / / णवमीया रोहिणी य बलदेवाण मायरो / / 178 // जंबुद्दीवे णं दीवे भारहे वासे इमीसे ओसप्पिणीए णव दसारमंडला होत्था, तं जहा-उत्तमपुरिसा मज्झिमपुरिसा पहाणपुरिसा ओयंसी तेयंसी वच्चंसी जसंसी छायंसी कंता सोमा सुभगा पियदंसणा सुरूवा सुहसीलसुहाभिगमसव्वजणणयणकंता ओहबला अइबला महाबला अणिहया अपराइया सत्तमद्दणा रिपुसहस्समाणमहणा साणुक्कोसा अमच्छरा अचवला अचंडा मियमंजुलपलावहसियगंभीरमधुरपडिपुण्णसच्चवयणा अब्भुवगयवच्छला सरण्णा लक्खणवंजणगुणोववेया माणुम्माणपमाणपडिपुण्णसुजायसव्वंगसुंदरंगा ससिसोमागारकंतपियदसणा अमरिस्रणा पयंडदंडप्पयारा(र)गंभीरदर(रि)सणिज्जा तालद्धओव्विद्धगरुलकेऊ महाधणुविकट्टया महासत्तसायरा दुद्धरा धणुद्धरा धीरपुरिसा जुद्धकित्तिपुरिसा विउलकुल समुब्भवा महारयणविहाडगा अद्धभरहसामी सोमा रायकुलवंसतिलया अजिया अजियरहा हलमुसलकणगपाणी संखचक्कगयसत्तिणंदगधरा पवरुज्जलसुकंतविमलगोत्थुभतिरीडधारी कुंडलउज्जोइयाणणा पुंडरीयणयणा एकावलिकंठलइयवच्छा सिरिवच्छसुलंछणा वरजसा सव्वोउयसुरभिकुसुमरचितपलंबसोभंतकंतविकसंतविचित्तवरमालरइयवच्छा अट्ठसयविभत्तलक्खणपसत्थसुंदरविरइयंगमंगा मत्तगयवरिंदललियविक्कमविलसियगई सारयणवथणियमहुरगंभीरकुंचणिग्घोसदुंदुभिसरा कडिसुत्तगणीलपीयकोसेजवाससा पवरदित्ततेया णरसीहा णरवई गरिंदा णरवसहा मरुयवसभकप्पा अब्भहियरायतेयलच्छीए दिप्पमाणा णीलगपीयगवसणा दुवे-दुवे रामकेसवा भायरो होत्था, तं जहा-तिविठू जाव कण्हे अयले जाव रामे यावि अपच्छिमे // 53 / / 179 / / एए सि णं णवण्हं बलदेववासुदेवाणं पुव्वभविया णव णामधेज्जा होत्था, तं० विस्सभूई पव्वयए धणदत्त समुद्ददत्त इसिवाले। पियमित्त ललियमित्ते पुणव्वसू गंगदत्ते य / / 54 / / एयाई णामाई पुव्वभवे आसि वासुदेवाणं / एत्तो बलदेवाणं
